ក្រុម Down Town Sport (កម្ពុជា) បានទទួលកៅអីឡើងទៅវគ្គផ្តាច់ព្រ័ត្ររួចស្រេចទៅហើយក្នុងពានរង្វាន់ក្លិបហ្វ៊ុតសាលដ៏ធំជាងគេរបស់តំបន់អាស៊ាន AFF Futsal Club Championship 2019 ក្រោយពីយកឈ្នះក្រុម Melaka (ម៉ាឡេស៊ី) ដោយលទ្ធផល 5ទល់នឹង4។
ទោះបីជាទើបតែប្រកួតបាន 1លើក និងឈ្នះ 1លើកហ្នឹងក្ដី ប៉ុន្តែ 3ពិន្ទុដែល Down Town Sport ទទួលបាននេះ វាល្មមគ្រប់គ្រាន់អាចឱ្យក្រុមកម្ពុជាមួយនេះឡើងទៅវគ្គបន្តបានបាត់ទៅហើយ ដោយសារតែក្នុង 1ពូលមាន 3ប្រទេស ហើយក្រុមមកពីម៉ាឡេស៊ីខាងលើទើបតែចាញ់ក្រុម Myanmar Imperial (មីយ៉ាន់ម៉ា) កាលពីម្សិលម្ង៉ៃ ដោយលទ្ធផល 7ទល់1។
បន្ទាប់ពីចប់ការប្រកួតនេះ Down Town Sport (កម្ពុជា) នឹងត្រូវជួបក្រុម Myanmar Imperial University របស់មីយ៉ាន់ម៉ាវិញម្ដងនៅថ្ងៃទី20 ខែមិថុនា(ថ្ងៃនេះ) ដើម្បីកាត់សេចក្ដីរកក្រុមឈរកំពូលតារាង និងឡើងទៅវគ្គពាក់កណ្ដាលផ្ដាច់ព្រ័ត្រជាបន្ត៕
