នៅបាំងតែ 1ខែទៀតប៉ុណ្ណោះ ស្មាតហ្វូនជំនាន់ថ្មីរបស់ក្រុមហ៊ុន Samsung នឹងបង្ហាញខ្លួនហើយ ដែលវានឹងធ្វើឱ្យអ្នកតាមដានព័ត៌មានបច្ចេកវិទ្យា និងអ្នកជំនាញ review ទូរស័ព្ទទន្ទឹងរង់ចាំ។
យោងតាមប្រភពពីគេហទំព័របច្ចេកវិទ្យានានា បាននាំគ្នាវិភាគពីថ្ងៃប្រកាស ថ្ងៃចេញលក់ និងជម្រើសតម្លៃដូចខាងក្រោមនេះ៖
ចំពោះថ្ងៃខែប្រកាសចេញស៊េរី Note ជារៀងរាល់ឆ្នាំ ក្រុមហ៊ុន Samsung តែងធ្វើនៅក្នុងអំឡុងខែកក្កដា តាំងពីជំនាន់ Note 8 មកម្ល៉េះ។
-Note 8 ប្រកាសចេញថ្ងៃ23 ខែកក្កដា ឯថ្ងៃចេញលក់ផ្លូវការ គឺ15 សីហា។
-Note 9 ប្រកាសចេញថ្ងៃ9 ខែកក្កដា ឯថ្ងៃចេញលក់ផ្លូវការគឺ 24 កក្កដា។
-ដូចនេះ Note 10 អាចនឹងប្រកាសថ្ងៃ8 ខែកក្កដា ឯថ្ងៃចេញលក់ផ្លូវការវិញ ប្រហែលជាថ្ងៃ23 ខែកក្កដា។
ចំពោះតម្លៃនៅថ្ងៃចេញលក់ដំបូងវិញ ស៊េរី Note ជារៀងរាល់ឆ្នាំតាំងពីជំនាន់ Note 8 មក មានដូចជា៖
-Note 8 ចេញលក់ដំបូង ជម្រើសមេម៉ូរី 64GB តម្លៃ 929ដុល្លារ(មានតែមួយជម្រើស)
-Note 9 ចេញលក់ដំបូង ជម្រើសមេម៉ូរី 128GB តម្លៃ 999ដុល្លារ - មេម៉ូរី 512GB តម្លៃ 1,249ដុល្លារ។
-ដូចនេះ Note 10 អាចនឹងចេញលក់ដំបូង ជាមួយជម្រើសមេម៉ូរី 128GB តម្លៃ 1,099 ដុល្លារ - មេម៉ូរី 512GB តម្លៃ 1,349ដុល្លារ - មេម៉ូរី 1TGB តម្លៃ 1,699ដុល្លារ។ ឯជម្រើសពណ៌វិញ លើ Note 10 អាចនឹងមាន 6ពណ៌ឯណោះ រួមទាំងសមត្ថភាពកាមេរ៉ា ក៏ខ្លាំងរៀងគ្នាផងដែរ៕
