ក្រុមកីឡាករទូកប្រពៃណីជម្រើសជាតិកម្ពុជា ដណ្ដើមបានមេដាយប្រាក់ 1គ្រឿង និងមេដាយសំរឹទ្ធ 1គ្រឿងពីព្រឹត្តិការណ៍ប្រកួតកីឡាទូកប្រពៃណីខ្នាតអន្តរជាតិ “ទូកនាគ” អន្តរជាតិចិន-អាស៊ានលើកទី១៥ “ The 15th China-ASEAN (Nanning) International Dragon Boat ” ដែលបានធ្វើឡើងកាលពីថ្ងៃទី7 ខែមិថុនា ឆ្នាំ2019 នៅទីក្រុងណាននីង ប្រទេសចិន។
ក្រោយត្រឡប់មកដល់ប្រទេសកំណើតវិញ គណៈប្រតិភូ គ្រូបង្វឹក និងកីឡាករទូកប្រពៃណីជម្រើសជាតិកម្ពុជាទទួលបានការឧបត្ថម្ភជាថវិកាលើកទឹកចិត្តចំនួន 20លានរៀលពីសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអ៊ីងកម្ពុជា៕
