គ្រូបង្វឹកក្លិបបាល់ទាត់ក្រសួងការពារជាតិ លោក ភា សុភ័ត្ត្រា បានប្រកាសថា លោកបានដើរចេញពីក្លិបក្រសួងការពារជាតិហើយ និងបានអវត្តមានលើទីលានជាមួយក្លិបមួយនេះអស់រយៈពេល 2សប្តាហ៍មកហើយ។
លោក ទេព ឡុងរចនា បានបន្ថែមថា ក្លិបនឹងមិនចាប់បង្ខំឱ្យលោក ភា សុភ័ត្ត្រា បន្ដធ្វើការទៀតឡើយ ប្រសិនបើគាត់រក្សាជំហរថា ពិតជាចង់ចាកចេញមែននោះ។ ប៉ុន្ដែក្នុងនាមក្រុមការងារជាមួយគ្នា ដាច់ខាតក្លិបត្រូវមានកិច្ចប្រជុំពិភាក្សាផ្ទាល់ ដើម្បីសួរនាំឱ្យបានច្បាស់សិន ទើបមានការសម្រេចចិត្តជាក្រោយ។
គួរបញ្ជាក់ផងដែរថា បន្ទាប់ពីគ្រូបង្វឹកនេះអវត្តមានចំនួន 2ប្រកួត ក្រុមក្រសួងការពារជាតិបានប្រកួតឈ្នះក្រុមវិសាខា 1ទល់នឹង0 និងចាញ់ក្រុមភ្នំពេញក្រោនក្នុងលទ្ធផល 3ទល់នឹង1៕
