នៅពេលនិយាយដល់បញ្ហាសិច ស្ត្រីគឺជាដើមចមដែមត្រូវបានគេចាត់ទុកថាមានអាថ៌កំបាំងច្រើនជាងបុរស និងមិនងាយបញ្ចេញឱ្យគេឃើញនូវសញ្ញាចំណង់ផ្លូវភេទនោះឡើយ ប៉ុន្តែមិនមែនមានន័យថា នាងគ្មានចំណង់ភេទនោះទេ។ ផ្ទុយមកវិញ អ្វីៗទាំងអស់គឺគ្រាន់តែជាចរិតពីធម្មជាតិឬជាផ្នត់គំនិតមួយ ដែលគិតថា “បុរសគឺជាអ្នកបង្កាត់ភ្លើងសិច ឬជាអ្នកចាប់ផ្តើមមុន”។ ដោយសារបែបនេះហើយ ទើបមានស្ត្រីមួយចំនួនតែងខកចិត្តចំពោះដៃគូរបស់ខ្លួន។ តើស្ត្រីចង់បានអ្វីខ្លះទាក់ទងនឹងជីវិតលើគ្រែ?
1. ការជជែកគ្នាយ៉ាងផ្អែមល្ហែមគឺជាថ្នាំសម្រើបដ៏អស្ចារ្យមួយ
ស្ត្រីជាច្រើនតែងចង់បានបែបនេះ។ ពួកគេយល់ថា ការជជែកសន្ទនាគ្នា នឹងនាំឱ្យមានភាពរីករាយ ជាពិសេសផ្នែកសិច។ សម្រាប់ពួកគេ ការជជែក និងអារម្មណ៍ស្រឡាញ់គឺពិតជាសំខាន់ខ្លាំងណាស់។ កិច្ចសន្ទនាយ៉ាងផ្អែមល្ហែម និងប្រកបដោយភាពស្និទ្ធស្នាលក្នុងអំឡុងការដើរកម្សាន្ត ឬខណៈគូស្នេហ៍/គូស្វាមីកំពុងសម្រាកបន្ធូរអារម្មណ៍ គឺជាថ្នាំសម្រើបដ៏អស្ចារ្យ។ ក្នុងឱកាសនេះ បុរសអាចប្រាប់ទៅស្ត្រីជាគូស្នេហ៍ថា ខ្លួនស្រឡាញ់នាងប៉ុនណា សកម្មភាពលួងលោមចិត្តមួយណាដែលខ្លួនគួរប្រើជាមួយនារីជាគូស្នេហ៍។
2. ស្ត្រីភាគច្រើនខ្វល់ខ្វាយពីសម្រស់របស់ខ្លួន
សម្រាប់គូស្វាមីដែលបានរស់នៅជាមួយគ្នាអស់ពេលជាយូរហើយនោះ ជួនកាលវាជារឿងធម្មជាតិដែលស្ត្រីគិតថា ស្វាមី ឬគូស្នេហ៍លែងមានចំណាប់អារម្មណ៍ផ្លូវភេទលើខ្លួន។ នេះក៏ព្រោះតែពួកគេដោះសម្លៀកបំពាក់ឡើងគ្រែជាមួយគូស្នេហ៍តែក្នុងពេលងងឹតប៉ុណ្ណោះ។ បុរសមិនគួរខ្វល់ខ្វាយត្រង់ចំណុចនេះឡើយ។|
3. ស្ត្រីយល់ថា សិចមិនអាចកាត់ផ្តាច់ពីជីវិតរបស់នាង
ស្ត្រីត្រូវការអារម្មណ៍ និងបទពិសោធន៍ល្អៗក្នុងអំឡុងពេលនាងកំពុងសប្បាយនឹងសិច។ ដូច្នេះបើសិនជាគូស្នេហ៍សម្ដែងចេញឡើងដូចជា ការប្រើពាក្យសម្តីទ្រគោះបោះបោក ប្រើភាសាអសុរោះ និងពាក្យសម្តីរិះគន់ជាដើម គឺសុទ្ធតែប៉ះដល់អារម្មណ៍របស់នាងក្នុងពេលឡើងគ្រែ។ បុរសគួរចាំថា ស្ត្រីមិនអាចទទួលយកបានទេនូវទង្វើរបស់ខ្លួនទាំងអស់នេះ បើពុំដូច្នោះទេ អ្នកមិនអាចផ្តល់ក្តីសប្បាយ ភាពរំភើបរីករាយដល់នាងបានឡើយ។
4. ការដល់ត្រើយមិនមែនជារឿងចាំបាច់
បុរសជាច្រើនគិតថា ដៃគូល្អគឺជាដៃគូដែលអាចនាំស្រីស្នេហ៍របស់ខ្លួនឈានដល់ចំណុចកំពូល។ នេះជាគំនិតល្អមួយហើយ តែមិនសំខាន់ប៉ុន្មានទេក្នុងកាលៈទេសៈនេះ។ ស្ត្រីជាច្រើនគិតថា ខ្លួនទទួលសម្ពាធពីដៃគូ និងពីខ្លួនឯងផងដែរ ទាក់ទិននឹងរឿងឈានដល់កាមតម្រេក។ មានពេលខ្លះ ជំនួសឱ្យការដល់ត្រើយ ស្ត្រីចូលចិត្តត្រឹមតែការបបោសអង្អែលរបៀបជាការបញ្ឆេះអារម្មណ៍ប៉ុណ្ណោះ។
5. សិចមិនត្រូវការសកម្មភាពម៉ឺងម៉ាត់នោះឡើយ
ការលេងប្រលែង ផ្តល់គុណភាពដ៏មហិមាចំពោះអារម្មណ៍ស្ត្រី។ បុរសជាច្រើនមានការផ្តោតខ្លាំងបំផុតអំពីសិច។ ពួកគេភ្លេចសើច ; ភ្លេចទង្វើរប៉ិលរប៉ូចដែលសុទ្ធតែជាសកម្មភាពស្ត្រីចូលចិត្ត។ ការលេងប្រលែង បង្កើតភាពសប្បាយរីករាយ អាចធ្វើឱ្យបរិយាកាសកាន់តែសប្បាយរីករាយ និងមានអារម្មណ៍កាន់តែធូរស្រាល។
6. ការថ្នាក់ថ្នម ស្ទាបអង្អែល មិនសំដៅលើការរួមភេទ
ស្ត្រី ជាទូទៅចូលចិត្តការលួងលោម ការថ្នាក់ថ្នម ការប្រើពាក្យពេចន៍ផ្អែមល្ហែម ការបីត្រកង និងការថើប។ ប៉ុន្តែមួយចំនួនធំក្នុងចំណោមពួកគេតែងរអ៊ូរទាំថា ស្វាមី/ដៃគូ របស់ខ្លួនមិនដែលធ្វើបែបនេះទេ លើកលែងតែពេលមុនការរួមភេទប៉ុណ្ណោះ។
7. ឱបថ្នាក់ថ្នមប្រកបដោយការយកចិត្តទុកដាក់ក្រោយការរួមសិចគឺជារឿងសំខាន់
បុរស ត្រូវតែដឹងថា ស្ត្រីត្រូវការស្ថិតនៅក្នុងរង្វង់ទ្រូងដ៏កក់ក្តៅរបស់ខ្លួនបន្ទាប់ពីសិចរួច។ ពួកគេមួយចំនួនតែងរអ៊ូរថា ស្វាមី/ប្រុសស្នេហ៍មិនដែលអើពើនឹងខ្លួនឡើយ ហើយតែងតែដេកលក់ភ្លាមក្រោយពីរួមសិចរួច។ សម្រាប់បុរស ត្រង់ចំណុចនេះគឺពិតជាជួបការលំបាកខ្លះដ្បិតការដេកលក់បន្ទាប់ពីរួមសិចរួចគឺជាលក្ខខណ្ឌធម្មជាតិរបស់ពួកគេ។ ក្រោយពីបញ្ចេញទឹកកាមរួច ខួរក្បាលរបស់បុរសបានចុះត្រជាក់ ស្របពេលដែលអារម្មណ៍ក៏ចុះស្ងប់ ទាំងនេះគឺជាដំណាក់កាលដែលប្រព័ន្ធបញ្ជាទាំងអស់ក្នុងរាងកាយបន្ថយសកម្មភាព។ ស្ត្រីក៏មានដំណាក់កាលនេះដែរ ប៉ុន្តែខុសត្រង់ថា មានល្បឿនយឺតជាងបុរស៕
