បញ្ជី​ឈ្មោះ​ជម្រើសជាតិ​កម្ពុជា​សម្រាប់​ប្រកួត​ជាមួយ​ប៉ាគីស្ថាន​ ​ចេញ​ជា​ផ្លូវការ​ហើយ​ ​តែ​គ្មាន​ចាន់​ ​វឌ្ឍនា​កា​

​ក្រុមជម្រើសជាតិ​កម្ពុជា​នឹង​ចាប់ផ្តើម​ហ្វឹកហាត់​នៅ​ល្ងាច​ថ្ងៃនេះ​ហើយ​ក្រោម​ការដឹកនាំ​របស់​លោក​ ​Keisuke​ ​Honda​ ​ដើម្បី​ត្រៀមខ្លួន​សម្រាប់​ការប្រកួត​ ​FIFA​ ​World​ ​Cup​ ​Qatar​ ​2022​ ​&​ ​Asian​ ​Cup​ ​2023​ ​Qualifiers​ ​វគ្គ​ជម្រុះ​ ​Preliminary​ ​Joint​ ​Qualification​ ​Round​ ​1​ ​ដែល​ក្រុមជម្រើសជាតិ​កម្ពុជា​នឹង​ត្រូវ​ជួប​ជាមួយ​ក្រុមជម្រើសជាតិ​ប៉ាគីស្ថាន​នៅ​ថ្ងៃទី6​ ​ខែមិថុនា​ ​ឆ្នាំ2019​ ​នៅ​ពហុ​កីឡដ្ឋាន​ជាតិ​។​

​ការ​កោះហៅ​សម្រាប់​ការ​ហ្វឹកហាត់​នេះ​ ​គឺ​បាន​ធ្វើ​ឡើង​ភ្លាម​ៗ​ក្រោយពី​សហព័ន្ធ​កីឡាបាល់ទាត់​កម្ពុជា​បាន​បង្ហាញ​បញ្ជី​ឈ្មោះ​កីឡាករ​ដែល​ត្រូវ​កោះហៅ​កាលពី​យប់ម្សិល​មិញ​នេះ​ ​ដើម្បី​ចូល​ហ្វឹកហាត់​ត្រៀមខ្លួន​សម្រាប់​ការប្រកួត​ ​FIFA​ ​World​ ​Cup​ ​ជាមួយនឹង​សមាសភាព​កីឡាករ​ចំនួន​ ​25រូប​ ​ដែល​សុទ្ធតែ​ជា​កីឡាករ​ដែល​ទាក់ទាញចិត្ត​លោក​ ​Felix​ ​Dalmas​ ​គ្រូបង្វឹក​ជម្រើសជាតិ​កម្ពុជា​ទាំងអស់​ ​ក្រោម​ការដឹកនាំ​របស់​កីឡាករ​បាល់ទាត់​ដ៏​ល្បី​លំដាប់​ពិភពលោក​ ​Keisuke​ ​Honda​៕​