ក្រុមបាល់ទាត់ជម្រើសជាតិប៉ាគីស្ថាន បានធ្វើការប្រកួតកម្ដៅសាច់ដុំជាមួយក្រុមជម្រើសជាតិប៉ារ៉ែន អាយុក្រោម 23ឆ្នាំ កាលពីយប់មិញ ដោយជាលទ្ធផល ប៉ាគីស្ថានបានចាញ់ក្រុមជម្រើសជាតិប៉ារ៉ែនអាយុក្រោម 23ឆ្នាំ នៅកីឡដ្ឋាន Bahrain National Stadium ដោយលទ្ធផល 2ទល់នឹង1។
ការប្រកួតលើកនេះ គឺជាការប្រកួតដកស្រង់បច្ចេកទេសលើកដំបូងបង្អស់របស់ក្រុមជម្រើសជាតិប៉ាគីស្ថាន ចាប់តាំងពីដើមឆ្នាំ2018 មក មុននឹងត្រូវរងពិន័យដោយសហព័ន្ធកីឡាបាល់ទាត់ពិភពលោក (FIFA)។
កម្ពុជានឹងត្រូវជួបប៉ាគីស្ថាន នៅជើងទី1ក្នុងវគ្គជម្រុះ World Cup ដែលគ្រោងធ្វើឡើងនៅថ្ងៃទី6 ខែមិថុនា លើទឹកដីកម្ពុជា ខណៈជើងទី2 ត្រូវធ្វើឡើងនៅក្នុងទឹកដីប៉ាគីស្ថានវិញនៅថ្ងៃទី11 ខែដដែល ដើម្បីសម្រេចជោគវាសនា ជាបន្តថា តើប្រទេសមួយណាមានសិទ្ធិទៅវគ្គបន្ត៕
