តារាសម្តែងស្រីប្រចាំប្រទេសថៃដ៏មានប្រជាប្រិយភាព គឺ កញ្ញា ផេនខេក ខេម៉ានីត ក្នុងមួយរយៈពេលប៉ុន្មានឆ្នាំចុងក្រោយនេះ គេតែងតែសង្កេតឃើញវត្ថមានរបស់កញ្ញានៅលើទឹកដីប្រទេសកម្ពុជាជាញឹកញាប់ ដូចជាមកដើរលេងកម្សាន្ដ ឬធ្វើការងារផ្ទាល់ខ្លួន និងចូលរួមសកម្មភាពសប្បុរសធម៌ជាដើម។ ដោយឡែកថ្ងៃម្សិលមិញនេះ នាងបានបង្ហាញវត្តមានក្នុងការជួបជុំអ្នកគាំទ្រជាថ្មីម្ដងនៅក្នុងបរិវេណផ្សារទំនើបអ៊ីអន១ ដែលធ្វើឱ្យមហាជនជាច្រើនភ្ញាក់ផ្អើលចោមរោមមើល។
គួរជម្រាបដែរថា កញ្ញា ផេនខេក ខេម៉ានីត ក៏បានមកដល់ប្រទេសកម្ពុជាម្ដងណាក៏មានការចាំស្វាគមន៍យ៉ាងច្រើនកុះករពីសំណាក់មហាជនអ្នកគាំទ្ររបស់កញ្ញានៅកម្ពុជាផងដែរ។ ហើយអ្វីដែលគួរឲ្យកត់សំគាល់នោះគឺ កញ្ញា ផេនខេក ខេម៉ានីត បានផ្តល់ស្នាញញឹមជាប់ជាមួយអ្នកគាំទ្រកម្ពុជា ជាពិសេសក៏បានគ្រងក្នុងឈុតបែបសុភាពៗ តែស្អាត និងទាក់ទាញខ្លាំងណាស់។ កាន់តែរំភើបទៅទៀតនេះ តារាស្រីរូបនេះត្រេកអរខ្លាំងស្ទើតែហោះទៅហើយ ខណៈដែលអ្នកគាំទ្រខ្មែរយើង ពញ្ញាក់អារម្មណ៍ធ្វើខួបកំណើតជូននាង ដែលនាងសឹងតែនិយាយមិនចង់ចេញ៕
សូមទស្សនាកម្រងរូបភាពរបស់កញ្ញាខាងក្រោមនេះ:រូបភាព៖
