គ្រាន់តែបង្ហោះអឹមវីចម្រៀងថ្មី ”មួយណាក៏ដូចមួយណា” របស់ គូម៉ា អ្នកគាំទ្រជាច្រើនបានចូលទៅ Comment នៅក្នុងបណ្ដាញសង្គមយូធូប ទាំងពោលសរសើរមិនដាច់ពីមាត់ថា ពិតជាពីរោះទាំងមានសាច់រឿងទាក់ទាញខ្លាំងថែមទៀត។ បទចម្រៀងខ្លីត្រឹមតែជាង 3 នាទីទេ តែសាច់រឿងវិញ ហាក់បីដូចជាកំពុងតែទស្សនាភាពយន្ដមនោសញ្ចេតនាជ្រាលជ្រៅដក់ក្នុងបេះដូង ដែលនេះធ្វើឱ្យមិនសរសើរដល់អ្នកដឹកនាំថតមិនបានមែន នោះគឺ លោក ឃុន ធារិទ្ធ ហៅ រិទ្ធ អូមេហ្កា បានច្នៃសាច់រឿងស្នេហាកំសត់ស្រក់ទឹកភ្នែក ឱ្យមហាជនបានទស្សនាហើយ ចង់ទស្សនាទៀត។
ចម្រៀងសាច់រឿងដែលត្រូវគេដឹងថា ដឹកនាំផលិតដោយលោក រិទ្ធ អូមេហ្កា គ្រាន់តែបានបង្ហោះភ្លាម មានអ្នកចូលទស្សនាដល់រាប់ K តែម្ដង ខណៈដែលក្នុង Comment ក៏សុទ្ធតែអ្នកសរសើរថា លូយកប់។ សាច់រឿងមួយបទនេះ មិនត្រឹមតែមានសាច់រឿងទាក់ចិត្តប៉ុណ្ណោះទេ ប៉ុន្តែការសម្ដែងរបស់លោក គូម៉ា ក៍លូយកប់គួរឱ្យសរសើរ ផងដែរ។ លោកគូម៉ា ក្នុងតំណែងជាតួឯកមានជំងឺរោគចិត្ត សម្ដែងបានល្អឥតខ្មោះតែម្ដង ទាំងឈុតមនោសញ្ចេតនា ឈុតកាចសាហាវ និងឈុតបង្ហូរទឹកភ្នែក ទើបធ្វើអោយសាច់រឿងក្នុងបទ”មួយណាក៍ដូចមួយណា” របស់លោក គូម៉ា គ្រាន់តែបង្ហោះសាច់រឿង ហើយមិនទាន់ជា MV ទាំងស្រុង គឺផ្ទុះបាត់ទៅហើយ។ អ្នកនិពន្ធបង្ហើបថា សាច់រឿងនេះ មើលមួយជ្រុងដូចជាបំផុតគំនិតកាចសាហាវពីការបរាជ័យស្នេហា ប៉ុន្តែការពិត គឺសាច់រឿងដែលត្រៀមចេញទាំងស្រុង អប់រំអោយដឹងពីលទ្ធផលដែលធ្វើរឿងដូចតួអង្គលោកគូម៉ា ថានឹងមានវិប្បដិសារីគួរសង្វេគទៅវិញទេ។
ជាមួយគ្នានេះដែរ សាច់រឿងក្នុងចម្រៀងនេះ បានធ្វើអោយមានកោតសរសើរជាងគេ ចំពោះលោក រិទ្ធ អូមេហ្កា ដែលឆ្នើមក្នុងការបង្កើតសាច់រឿង និងដឹកនាំសម្ដែង។ ក្នុងនោះក៏មានការសរសើរពីសមត្ថភាពសម្ដែង របស់ម្ចាស់បទ”មួយណាក៏ដូចមួយណា” គឺលោកគូម៉ាផងដែរ ដែលអាចសម្ដែងតាមការចង់បានរបស់ផលិតករ បានមិនចាញ់តារាសម្ដែងអាជីព។ ប្រភពពីថោន បង្ហើបថា Full MV នឹងចេញយ៉ាង១០ថ្ងៃបន្ទាប់ ដោយមានសាច់រឿងប្រទាក់ក្រឡាគួរអោយចង់តាមដានជាងនេះទៅទៀត។
ដើម្បីកុំឱ្យខាតពេលយូរ សូមទស្សនាសាច់រឿងបទចម្រៀង ”មួយណាក៏ដូចមួយណា” ដឹកនាំដោយលោក រិទ្ធ អូមេហ្កា៖
