ក្លិប Leicester City បានប្រកាសពីការចុះហត្ថលេខាជាមួយនឹងខ្សែការពារ Harry Maguire ពីក្លិប Hull City ក្នុងតម្លៃខ្លួនលាក់ការណ៍មួយ។ ខ្សែការពារសញ្ជាតិអាល្លឺម៉ង់វ័យ 24ឆ្នាំរូបនេះ បានចូលរួមជាមួយនឹង Leicester ដោយការចុះហត្ថលេខាលើកុងត្រារយៈពេល 5ឆ្នាំ។
តម្លៃខ្លួននៃការផ្ទេរដែលគេរំពឹងថាមានទឹកប្រាក់ប្រមាណជា 17លានផោន (ស្មើនឹង 21.7លានដុល្លារអាមេរិក) នេះត្រូវបានឈានដល់ការព្រមព្រៀងគ្នារវាងក្លិបទាំងពីរ ហើយ Maguire នឹងចូលរួមជាមួយនឹងមិត្តរួមក្រុមថ្មីរបស់ខ្លួននៅដើមខែកក្កដា នៅមុនពេលក្រុម Leicester បោះជំរំហ្វឹកហាត់មុនបើករដូវកាលថ្មី ក្នុងប្រទេសអូទ្រីស។
កីឡាករ Maguire បានឲ្យដឹងថា៖ «វាគឺជាពេលវេលាដ៏រំភើបបំផុតសម្រាប់ខ្លួនខ្ញុំផ្ទាល់។ នៅពេលដែលខ្ញុំបើកភ្នែកឃើញក្លិបនេះ ខ្ញុំតែងតែចង់ចូលរួមជាមួយ។ ពិតជាអរគុណណាស់ ខណៈដែលទីបំផុត ខ្ញុំបានស្ថិតនៅទីនេះមែន ហេតុនេះខ្ញុំពិតជាចង់ចាប់ផ្តើមរដូវកាល និងធ្វើការប្រកួត»។ ខ្សែការពាររូបនេះបានបន្ថែមទៀតថា៖ «មានក្លិបជាច្រើនដែលបង្ហាញពីការចាប់អារម្មណ៍ ប៉ុន្តែនៅពេលដែលខ្ញុំបានជួបជាមួយនឹងអ្នកចាត់ការទូទៅនៅទីនេះ លោកពិតជាមានទិសដៅដ៏ជាក់លាក់មួយក្នុងក្លិបនេះ។ គាត់បានបង្ហាញឲ្យខ្ញុំដឹងពីផ្លូវដែលក្លិបនេះនឹងត្រូវដើរ។ វាហាក់បង្ហាញពីអនាគតដ៏រំភើបមួយ ហេតុនេះហើយទើបខ្ញុំសម្រេចចិត្តចូលរួម»។
វត្តមានរបស់ Maguire នឹងជួយពង្រឹងតំបន់ការពាររបស់ក្រុម Leicester ក្រោយពីកីឡាករ Robert Huth និង Wes Morgan បានបង្ហាញពីការខ្វះនូវភាពរឹងមាំកាលពីរដូវកាលមុន ក្នុងតួនាទីរបស់ពួកគេ៕
ប្រភពព័ត៌មាន៖ The Guardian
