ប្រសិនបើនិយាយដល់រឿង Wonder Woman គឺជារឿងដែលកំពុងល្បីល្បាញពាសពេញពិភពលោក ក្នុងនោះប្រទេសកម្ពុជាយើងក៏ទើបតែបានដាក់បញ្ចាំងរឿងនេះកាលពីថ្ងៃទី2 ខែមិថុនា ឆ្នាំ2017 ថ្មីៗនេះ ដែរ ដែលមានវត្តមានតារាស្រី Gal Gadot ជាតួឯកក្នុងសាច់រឿងទាំងមូល។
តារាស្រីមុខស្រស់វ័យ 32 ឆ្នាំរូបនេះ បាននិយាយថា “ការថតរឿងនេះ ហាក់បីដូចជារឿងកំប្លែងបែប Wonder Woman កំពុងមានផ្ទៃពោះអ៊ីចឹង វាពិតជាគួរឱ្យអស់សំណើចណាស់” ហើយនាងបានបន្ដទៀតថា បើមើលពីចម្ងាយនាងខ្ញុំមានរូបរាងដូច Wonder Woman ខ្លាំងណាស់ តែបើទាញ (Zoom)មកមើលឱ្យជិត គឺជា Wonder Woman ដែលកំពុងពោះធំ ធ្វើឱ្យរឹតតែដូចសត្វកង្កែបខ្លួនខៀវអ៊ីចឹង។
អ្នកនាង Patty Jenkins ជាអ្នកដឹកនាំរឿងនេះ បាននិយាយថា ” Gadot ពិតជាមានផ្ទៃពោះក្នុងអំឡុងពេលថតខ្សែភាពយន្ដនេះមែន តែមានហេតុផលជាច្រើនដែលយើងស្នើសុំឱ្យនាងចូលរួមថត និងមានការសហការជាមួយរឿងនេះ ដែលមើលទៅវាហាក់ដូចជាខ្ញុំកំពុងតែឃៅរឃៅចំពោះនាងខ្លាំងណាស់(ព្រោះប្រើមនុស្សដែលកំពុងមានផ្ទៃពោះ) តែក៏សូមអរគុណដល់ Gadot អស់ពីដួងចិត្តដែរ”។
Gal Gadotនាងត្រូវបានសម្ដែងជាតួអង្គ ព្រះនាងឌាយអាណា នៃអាណាចក្រ អាម៉ាស្សូន ហើយទ្រង់មានដើមកំណើតនៅសួនមនោរម្យ កោះសួគ៌ា ។ ពេលដែលអ្នកបើកយន្តហោះ ជនជាតិអាមេរិកម្នាក់ ធ្លាក់យានលើឆ្នេរសមុទ្រទ្រង់ ព្រះនាងក៏បានប្រាប់ពីជម្លោះធំមួយកំពុងកើតឡើងនៅលើពិភពលោក។ ព្រះនាងបានចាកចេញពីស្រុកកំណើត ដោយជឿថា ព្រះនាងអាចបញ្ឈប់ការគំរាមកំហែងនេះបាន។ ការប្រយុទ្ធគ្នាក្នុងសង្គ្រាមរួមជាមួយបុរសម្នាក់ គឺដើម្បីបញ្ចប់សង្គ្រាមទាំងអស់ ព្រះនាងដាយអាណា នឹងរកឃើញអំណាចពេញលេញ និងវាសនាពិតរបស់ទ្រង់ផងដែរ ។ ផ្ទៃរឿងសង្ខេបនេះ សង្កេតឃើញមានការប្រយុទ្ធ ការផ្សងគ្រោះថ្នាក់ជាច្រើន ដែលបានតម្រូវឱ្យ នាង Gal Gadotសម្ដែង ទាំងខណៈនោះមានកំពុងតាំងគភ៌រយៈពេល 5 ខែហើយក្ដី៕
