កាលពីពេលថ្មីៗនេះ កីឡាករ ចាន់ រតនា ដែលបានបំបាក់កីឡាករម្ចាស់ផ្ទះឥណ្ឌូនេស៊ីឱ្យសន្លប់ក្នុងទឺកទី2នោះ ពេលនេះត្រូវបានសង្វៀន ONE Fighting Championship ចាប់អារម្មណ៍យ៉ាងខ្លាំង។
ចំពោះការឈ្នះ 2ប្រកួតជាប់ៗគ្នានេះ រតនាកាន់តែធ្វើឱ្យស្ថាប័ន ONE កោតសរសើរខ្លាំងឡើង ខណៈដែលគូប្រកួតបន្ទាប់របស់គេ បើតាមការចុះផ្សាយរបស់ ONE Championship អាចជាជើងខ្លាំងរបស់សិង្ហបុរីម្នាក់ដែលមានឈ្មោះថា Niko Soe ជាកីឡាករវ័យ 26ឆ្នាំ ដែលបានឈ្នះគូប្រកួត និងមានក្បាច់វាយល្អដូចរតនា ដែរ ដូច្នេះហើយទើបបានជាពួកគេទាំង 2នាក់នេះ គឺជាគូប្រកួតដ៏ស័ក្ដិសមបំផុតសម្រាប់ការប្រកួតលើកក្រោយ។
គួរបញ្ជាក់ផងដែរថា ការប្រកួតនៅក្នុងស្ថាប័ននេះ កីឡាករទាំងអស់មានឱកាសដូចគ្នាក្នុងការឡើងទៅវាយយកខ្សែក្រវាត់ជើងឯក ប៉ុន្តែក៏តម្រូវឱ្យពួកគេឈ្នះការប្រកួតបានពី 3 ទៅ 4ប្រកួតជាប់ៗគ្នាដែរ៕
