គួរ​ឱ្យ​សោក​ស្តាយ​.​.​.​នៅ​ ​ស្រីពៅ​ ​ចាញ់​កីឡាការិនី​បទ​ពិសោធ​ខ្ពស់​ម្ចាស់​ផ្ទះ​ឥណ្ឌូ​នេ​ស៊ី​ ​

​ការប្រកួត​ក្បាច់គុន​ចម្រុះ​ ​MMA​ ​របស់​ ​ONE​ ​Championship​ ​(​ONE​ ​FOR​ ​HONOR​)​ ​នៅ​ទីក្រុង​ហ្សាការតា​ ​ប្រទេស​ឥណ្ឌូ​នេ​ស៊ី​ ​កាលពី​ចុង​សប្តាហ៍​មុន​បាន​បញ្ចប់​ទៅ​ហើយ​ ​ដោយ​ក្នុង​នោះ​មាន​កីឡាករ​កម្ពុជា​ចូលរួម​ប្រកួត​ចំនួន​ ​2រូប​។​
​
​ស្រីពៅ​ ​ដែល​បង្ហាញខ្លួន​ជា​លើក​ទី​ ​2លើ​សង្វៀន​ ​MMA​ ​បាន​ចាញ់​ពិន្ទុ​កីឡាការិនី​ម្ចាស់ផ្ទះ​ ​Priscila​ ​បើ​ទោះបីជា​បាន​ធ្វើ​អស់ពី​សមត្ថភាព​ហើយក៏​ដោយ​ ​ប៉ុន្តែ​នៅ​ចាញ់​គេ​ច្រើន​ខាង​ស្នៀត​កាច់​ខ្ទាស់​ ​មាឌ​ ​កម្ពស់​ ​និង​ពិបាក​ចូល​កៀក​ទៀតផង​។​ ​ទោះបីជា​យ៉ាងណា​ ​ស្រីពៅ​ ​នៅតែ​ធ្វើ​បាន​យ៉ាង​ល្អ​ ​ដោយ​អាច​ស៊ូ​បាន​ ​3ទឹក​ ​និង​ចាញ់​ត្រឹមតែ​ពិន្ទុ​ប៉ុណ្ណោះ​។​
​
​សូម​រំឭក​ថា​ ​ស្រីពៅ​ ​មិនបាន​ហ្វឹកហាត់​ ​MMA​ ​គ្រប់គ្រាន់​ទេ​សម្រាប់​ការប្រកួត​លើក​នេះ​ ​ព្រោះ​នាង​ទើបតែ​ត្រឡប់​មក​ពី​ប្រទេស​ថៃ​ក្នុង​ការចូលរួម​កម្មវិធី​ប្រដាល់សកល​ ​ទើប​បណ្ដាល​ឱ្យ​ការ​ហ្វឹកហាត់​ប្រព្រឹត្តទៅ​មិនបាន​គ្រប់គ្រាន់​ ​និង​ធ្វើ​ឱ្យ​នាង​មិន​អាច​ប្រមូល​កម្លាំង​បាន​ពេញ​ ​100​%​៕​
​