កីឡាការិនី ជឺជិតស៊ូ កូនកាត់ខ្មែរ-អាមេរិកាំង ខាន់ ចេសា បានឈ្នះមេដាយមាស 1គ្រឿងពីព្រឹត្តិការណ៍ជើងឯក ជឺជិតស៊ូ ពិភពលោក 2019 Abu Dhabi World កម្រិត Pro Purple ក្នុងប្រភេទទម្ងន់ 49គីឡូក្រាម ដែលប្រារព្ធឡើងនៅប្រទេសអេមីរ៉ាត អារ៉ាប់រួម។
គួរបញ្ជាក់ផងដែរថា កីឡាការិនីកូនកាត់ខ្មែរ-អាមេរិកាំង ខាន់ ចេសា វ័យ 17ឆ្នាំរូបនេះធ្លាប់ជាម្ចាស់មេដាយមាសកីឡាអាស៊ី Asian Games លើកទី18 នៅប្រទេសឥណ្ឌូនេស៊ី ហើយធ្លាប់ដណ្ដើមបានមេដាយមាស 2គ្រឿង ក្នុងការប្រកួតកីឡា ជឺជិតស៊ូ កម្រិតពិភពលោក JiuJitsu International World Championships នៅរដ្ឋកាលីហ្វ័រនីញ៉ា សហរដ្ឋអាមេរិក កាលពីខែតុលា ឆ្នាំ2018 កន្លងទៅនេះទៀតផង មិនត្រឹមតែប៉ុណ្ណោះកីឡាការិនីរូបនេះបានអះអាងថា ខ្លួនធ្លាប់ឈ្នះមេដាយបានច្រើនជាង 50គ្រឿងឯណោះ ចាប់តាំងពីនាងលេងកីឡាករជូជីតស៊ូនេះមក៕
