កាលពីពេលថ្មីៗនេះ កីឡាករវ័យក្មេង ជា ច័ន្ទដារ៉ា ដែលមានបញ្ហារបួសជង្គង់ក្នុងអំឡុងពេលហ្វឹកហាត់នាពេលកន្លងមកជាមួយក្រុមភ្នំពេញក្រោនបានធ្វើការវះកាត់ព្យាបាលប្រកបដោយជោគជ័យហើយនៅឯប្រទេសវៀតណាម។
ជា ច័ន្ទដារ៉ា មានបញ្ហារបួសធ្ងន់នៅជង្គង់ខាងស្តាំរបស់ខ្លួន ក្រោយប៉ះទង្គិចជាមួយមិត្តរួមក្រុមក្នុងពេលហ្វឹកហាត់ដែលជាមូលហេតុធ្វើឱ្យរូបគេខកខានមិនបានចូលរួមលេងជាមួយក្រុមក្នុងការប្រកួតក្នុងក្របខ័ណ្ឌលីកកំពូលកម្ពុជាអស់ជាច្រើនសប្តាហ៍។
គួរបញ្ជាក់ផងដែរថា ទោះជាកីឡាកររូបនេះវះកាត់បានជោគជ័យមែន តែរូបគេត្រូវការពេលសម្រាកមួយរយៈពេលទៀត មុននឹងត្រឡប់មកទីលានសាជាថ្មីម្តងទៀតក្នុងពេលឆាប់ៗនេះ ដើម្បីបន្តជួយមិត្តរួមក្រុម និងក្លិបឱ្យទទួលបានសមិទ្ធផលថ្មីៗនាពេលខាងមុខ៕
