ខ្សែប្រយុទ្ធ​ភ្នំ​ពេញ​ក្រោ​នម្នាក់​ ត្រូវ​ត្រឡប់ទៅ​ស្រុកកំណើត​វិញ​ភ្លាម​ៗក្រោយ​មាន​បញ្ហា​របួស​ធ្ងន់ធ្ងរ​

ខ្សែប្រយុទ្ធ​របស់​ក្លិប​ភ្នំ​ពេញ​ក្រោ​ន Darlan​ Martins​ ត្រូវ​វិលត្រឡប់​ទៅកាន់​ទឹកដី​កំណើត​នៅ​ប្រទេស​ប្រេស៊ីល​វិញ​ ក្រោយពី​រង​របួស​កាលពី​សប្តាហ៍​មុន​នៅក្នុង​ការប្រកួត​លី​កកំពូល​កម្ពុជា​។

ដូចនេះ​នៅក្នុង​ជំនួប​នា​សប្តាហ៍​ទី3នៃ​លី​កកំពូល​កម្ពុជា​នៅ​ចុង​សប្តាហ៍​នេះ​នៅ​កីឡដ្ឋាន​របស់​ក្លិប​ភ្នំ​ពេញ​ក្រោ​នដែ​លក្រុម​ម្ចាស់ផ្ទះ​មួយ​នេះ​នឹង​ត្រូវ​ជួប​ជាមួយនឹង​ក្រុម​វិសាខា​ ជា​ដែល​សម្បូរ​ធនធាន​កីឡាករ​នោះ​ កីឡាករ​ខ្សែប្រយុទ្ធ​មាឌធំ​ កម្ពស់​ខ្ពស់​រូប​នេះ​នឹង​ត្រូវ​អវត្តមាន​។ ​

គួរ​បញ្ជាក់​ផង​ដែរ​ថា​ កីឡាករ​កម្ពស់​ 193សង់ទីម៉ែត្រ​រូប​នេះ​កើត​នៅ​ទីក្រុង​ Rio​ de​ Janeiro​ ប្រទេស​ប្រេស៊ីល​បាន​ចាប់ផ្តើម​អាជីព​បាល់ទាត់​ដំបូង​នៅ​ក្លិប​ Flamengo​ FC​ នៅ​ឆ្នាំ2015​ លេង​នៅ​ក្លិប​ Olaria​ FC​ នៅ​ឆ្នាំ2016​ ហើយ​បាន​ទៅលេង​នៅ​ក្លិប​ Arendal​ Fotball​ របស់​ប្រទេស​ Norway​ នៅ​ឆ្នាំ2017​ និង​លេង​នៅ​ក្លិប​ Mageese​ FC​ ឆ្នាំ2018​ មុននឹង​មកដល់​កម្ពុជា​នៅ​ឆ្នាំ2019នេះ​៕