ក្រុមបាល់ទាត់ ណាហ្គាវើលដ៍ ដែលតំណាងឱ្យកម្ពុជាក្នុងពានរង្វាន់ AFC CUP បានប្រកួតចាញ់ក្រុមជើងឯកលីកកំពូលរបស់សិង្ហបុរី Tampine Rover ក្នុងលទ្ធផល 5 ទល់នឹង 1។
នៅទីលានពហុកីឡដ្ឋានជាតិអូឡាំពិក ក្រុមណាហ្គាវើលដ៍បាននាំមុខក្រុមភ្ញៀវ 1គ្រាប់មុន ដែលរកបានដោយកីឡាករ គួច ដានី ក្រោយការបញ្ជូនបាល់ពីកីឡាករបរទេស Paul Omogba ប៉ុន្តែក្រុមម្ចាស់ផ្ទះបានភ្លាត់ស្នៀតរបូត 1គ្រាប់វិញនៅចុងតង់ទី1 និងបញ្ចប់តង់ទី1នេះដោយលទ្ធផល 1ស្មើ។
ចូលដល់តង់ទី2 ក្រុមម្ចាស់ផ្ទះបានបើកការវាយសម្រុកយ៉ាងមើលឃើញច្បាស់ៗ ម្តងជា2ដងដែរ ប៉ុន្តែមិនបានសម្រេច ផ្ទុយទៅវិញក្រុមភ្ញៀវបែរជារកបាន 4គ្រាប់ផ្ទួនៗនៅតែប៉ុន្មាននាទីមុនចប់ការប្រកួត ដោយសរុបទាំងអស់បាន 5គ្រាប់នៅតង់ទី2 និងជាលទ្ធផលក្រុមម្ចាស់ផ្ទះបានចាញ់ក្រុមភ្ញៀវក្នុងទឹកដីខ្លួនឯងយ៉ាងធ្ងន់ធ្ងរក្នុងលទ្ធផល 5 ទល់នឹង 1៕
