កាលពីពេលថ្មីៗនេះ ក្លិបវិសាខា បានបំពាក់ភ្លើងបំភ្លឺសម្រាប់ការប្រកួតនៅពេលយប់រួចរាល់សព្វគ្រប់អស់ហើយ ដែលអនុញ្ញាតឱ្យក្រុមមួយនេះអាចធ្វើការប្រកួតនៅពេលយប់បានដោយរលូន។
ចំពោះកាលវិភាគប្រកួតនៅកីឡដ្ឋានមួយនេះ ត្រូវបានគណៈកម្មការរៀបចំការប្រកួតជាតិកម្ពុជា សម្រេចអនុញ្ញាតឱ្យលើកពេលទៅប្រកួតនៅពេលយប់វិញហើយ ដែលខុសពីពេលមុន កាលវិភាគប្រកួតទាំងអស់នៅកីឡដ្ឋាននេះត្រូវធ្វើឡើងនៅម៉ោង 3:30នាទីរសៀល។
គួររំឭកផងដែរថា ក្រុមបាល់ទាត់ វិសាខា បានឡើងពីលីក2 មកកាន់លីកកំពូលកម្ពុជាកាលពីឆ្នាំមុន ដោយឈរនៅលេខ3 នៃលីកកំពូលកម្ពុជាកាលពីរដូវកាលមុន ដែលក្នុងឆ្នាំនេះក្រុមមួយនេះបានដាក់ឱ្យប្រើប្រាស់កីឡដ្ឋានថ្មីរបស់ខ្លួន ហើយថែមទាំងបានក្រសោបយកកីឡាករល្អៗពីក្លិបដទៃ និងបានចំណាយថរិកាជាច្រើនទៀតក្នុងការអភិវឌ្ឍក្លិបទៀតផង៕
