កញ្ញា បៃ ហ្វឺន បានធ្វើដំណើរមកដល់ប្រទេសកម្ពុជាហើយ ក៏ដូចជាត្រៀមខ្លួនជួបជាមួយកញ្ញានិងអ្នកដឹកនាំរឿងទាំងអស់គ្នានៅរសៀលថ្ងៃនេះ។
សូមជម្រាបថា កម្មវីធី Fan Meeting របស់ រឿង Friend Zone នៅផ្សារទំនើប Sovanna ជាន់ទី៤ ដើម្បីប្រកាសពីការចាក់បញ្ចាំងខ្សែភាពយន្តល្បីល្បាញរឿង”Friend Zone”នៅក្នុងថ្ងៃនោះ ចាប់ពីវេលាម៉ោង 11:40 រសៀលតទៅ ដើម្បីឱ្យភ្ញៀវកិត្តិយស និងតារាៗដែលត្រូវបានអញ្ជើញឱ្យបានទស្សនា។ ពិធីនោះត្រូវបានប្រកាសថា មានការអញ្ជើញចូលរួមពីកញ្ញា Baifern ដែលជាតួឯកស្រីក្នុងរឿង ”Friend Zone” និងអ្នកដឹកនាំរឿងតែម្ដង ដែលធ្វើអោយមានការរំពឹងយ៉ាងខ្លាំងថា វត្តមានរបស់អ្នកទាំងពីរពិតជាកក្រើកអ្នកគាំទ្រដែលជាហ្វេនៗមិនតិចនោះទេ។
គាប់ជួនជាភាពយន្តនេះល្បីល្បាញខ្លាំងក្លាមុនមកដល់កម្ពុជាផង គឺរឹតតែធ្វើអោយមានការរំពឹងខ្ពស់ថានឹងមានអ្នកទៅគាំទ្រនិងចង់ថតរូបជាមួយតួអង្គសំខាន់រូបនេះ។ លើផេករបស់ រោងភាពយន្ត Prime Cineplex បានប្រកាសថាខ្លួននឹងរៀបចំពិធីទទួលតារាស្រីរូបនេះ ក៍ដូចជាដើម្បីបើកសម្ពោធភាពយន្តរឿង”Friend Zone” នេះអោយធំដុំផង ដោយក្នុងពិធីនោះផលិតករ និងតារាខ្មែរច្រើននាក់ ក៍ត្រូវបានអញ្ជើញអោយចូលរួម។
គួរបញ្ជាក់ដែរថា រោងភាពយន្ត Prime Ceneplix មានពីរសាខារួចមកហើយ គឺនៅផ្សារសុវណ្ណាជាន់ទី៤ និងនៅបុរីវិមានភ្នំពេញផ្លូវជាសុផារាជាន់ទី៣។ រោងភាពយន្តនេះ នឹងបើកសាខាទី៣ថ្មីមួយទៀតនៅចោមចៅ ទើបកម្មវិធីសម្ពោធភាពយន្តរឿង”Friend Zone” ដោយបានទាំងអញ្ជើញតួសម្ដែង និងផលិតករ អោយមកចូលរួម ក៍ជាការពង្រីករោងភាពយន្តទាំងមូល អោយកាន់តែមានការទទួលស្គាល់។
