ការបញ្ចូលឈ្មោះ និងអាសយដ្ឋាន ឬការិយាល័យទៅក្នុងកម្មវិធី Google Maps វាជាវិធីសាស្ដ្រល្អមួយ ដែលវាអនុញ្ញាតឱ្យលោកអ្នក និងអ្នកប្រើប្រាស់ដទៃទៀត ងាយស្រួលស្វែងទីតាំងនោះនៅលើផែនទីបែប ឌីជីថលមួយនេះ ដោយមិនចាំបាច់វាយបញ្ជូលច្រើនដងទៀត។ ក្នុងន័យនេះ វាក៏ផ្ដល់ភាពងាយស្រួលផងដែរ លើការប្រាប់ទីតាំង ដើម្បីឱ្យនរណាម្នាក់ទៅដល់ការិយាល័យ ឬផ្ទះរបស់យើងបានតាមរយៈមុខងារ Share Location ឬការចង្អុលបង្ហាញទៅអ្នកបើកបររថយន្តឈ្នួល ឬការដាក់ឱ្យក្មេងៗដែលមិនសូវស្គាល់ផ្លូវងាយស្រួលក្នុងការរកផ្លូវមកផ្ទះដោយខ្លួនឯងជាដើម។ សម្រាប់ការកំណត់នេះ យើងសូមលើកយកជម្រាបជូនសម្រាប់តែទូរស័ព្ទប្រើប្រព័ន្ធ Android មួយសិន៖
1. ជាដំបូង សូមប្រិយមិត្តចូលទៅកាន់កម្មវិធី Google លើទូរស័ព្ទ Android ហើយចុចលើសញ្ញាឆ្នូត 3 (ដូចក្នុងរូបខាងក្រោម)
2. បន្ទាប់មក ចុចលើ Your Places
3. បន្ទាប់មកទៀត ចុចលើ Set home address
4. វាយបញ្ចូលអសយដ្ឋានផ្ទះរបស់អ្នក
5. ជ្រើសរើសអសយដ្ឋានរបស់អ្នកដែលបានលោតឡើងជាស្រេច (ប្រសិនបើមាន)
6. សូមធ្វើតាមដំណាក់កាលទី 1 ដល់ដំណាក់កាលទី 5 ប្រសិនបើលោកអ្នកចង់ Save អាសយដ្ឋាន ឬការិយាល័យធ្វើការរបស់អ្នក៕
