ប្រិយមិត្តបានដឹងមកហើយលោក សេន រ៉ានុត បានឃ្លាតឆ្ងាយពីជីវិតជាអ្នកសិល្បៈ អស់រយៈពេលជាយូរឆ្នាំណាស់មកហើយ ដោយលោកបានសម្រេចទៅសាងសុភមង្គលជាមួយនឹងមុខជំនួញផ្ទាល់ខ្លួន ដែលទទួលបានភាពជោគជ័យយ៉ាងខ្លាំងនៅក្រៅប្រទេស។
យ៉ាងណាក្ដីទាំងជីវិតឯកជនរបស់លោក សេន រ៉ានុត ក្រោយពេលដែលទៅនៅក្រៅប្រទេស នៅតែមានហ្វេនៗចាប់អារម្មណ៍ពីរលោក និងរំឭកបទចាស់ៗរបស់លោក បង្ហោះនៅលើបណ្ដាញសង្គមហ្វេសប៊ុក។ លោក សេន រ៉ានុត ត្រូវបានអ្នកគាំទ្រក្នុងស្រុកសរសើរថា ជាតារាចម្រៀងសាច់ចាំ មិនខ្ចីចាស់ ដោយនៅតែសង្ហារ មុខឌឺ និងមើលទៅគួរស្រលាញ់មិនខុសពីពេលលោកល្បីខ្លាំង ដែលផ្ទុយពីតារាស្រករលោកភាគច្រើន គឺបានផ្លាស់ប្ដូរសម្រស់អស់ទៅហើយ។ មកទល់ពេលនេះ លោកបានបញ្ចប់ជីវិតជាអ្នកសិល្បៈក្នុងស្រុក ហើយទៅរស់នៅក្រៅស្រុកប្រមាណជាង១០ឆ្នាំមកហើយ ប៉ុន្តែលោកនៅតែធ្វើឱ្យអ្នកគាំទ្រមិនទាន់ភ្លេចស្នាដៃ ដោយសារតែលោកក៏រមែងបង្ហោះសកម្មភាពរបស់ខ្លួនជាប្រចាំនៅលើហ្វេសប៊ុកក។
ដោយឡែកថ្មីៗនេះលោក សេន រ៉ានុត បានយកចម្រៀងដែលកន្លងទៅជាង18ឆ្នាំ ដែលមានចំណងជើងថា«កំផែងវណ្ណៈ»មកធ្វើការបកស្រាយឡើងវិញ ថែមទាំងទទួលបានការាចាប់អារម្មណ៏យ៉ាងខ្លាំង និងមានកាសរសើរពីបណ្ដាលហ្វេសប៊ុកព្រោងព្រាត។ ក្នុងការបង្ហាញនូវបទចម្រៀងមួយបទនេះ ក្រោយពីបានស្ដាប់នូវសមត្ថិភាពច្រៀងរបស់លោក ម្នាក់ៗលាន់មាត់ថាពីរោះណាស់ ពិតជាគួរឱ្យសរសើរ ច្រៀងមិនចាញ់កាលពីមុនៗនោះទេ ទោះបីជាលោក មានវ័យកាន់តែជ្រេមែនពិត តែសមត្ថិភាពរបស់លោកគឺនៅដដែលពិតជាមិនធម្មតាឡើយ។
ចង់ជ្រាប់ច្បាស់សូមទស្សនាវីដេអូគាត់ច្រៀងខាងក្រោម៖
