ក្រៅពីប្រព័ន្ធអប់រំ សុខភាពក៏ជាចំណុចសំខាន់មួយដែរក្នុងការអភិវឌ្ឍ​សមត្ថភាព​សិក្សារបស់សិស្ស

ការអភិវឌ្ឍសមត្ថភាពសិក្សារបស់សិស្ស និងការបណ្តុះភាពជាអ្នកដឹកនាំឱ្យបានល្អ ចាំបាច់ត្រូវតែគិតឱ្យបានគ្រប់ជ្រុងជ្រោយលើគ្រប់ផ្នែក​របស់សិស្ស ព្រោះ​ប្រសិនបើអ្នកអប់រំ​ខ្វះចន្លោះលើចំណុចណាមួយ​ វាអាចនឹងធ្វើឱ្យ​ពួកគេ​មានភាពលំបាក​ក្នុងការប្រកួតប្រជែង ឬ​ច្នៃខ្លួនឯងឱ្យក្លាយជាធនធាន​សំខាន់សម្រាប់សង្គមនៅថ្ងៃអនាគត។

ក្រៅពីការសិក្សា​តាមប្រព័ន្ធអប់រំហើយ សុខភាព(ទាំងផ្លូវកាយ និងផ្លូវចិត្ត) ក៏ជារឿងសំខាន់បំផុតមួយដែលមិនអាចខ្វះបានដែរនៅក្នុងការអភិវឌ្ឍសមត្ថភាពមនុស្សជំនាន់ថ្មីរបស់កម្ពុជា។ ព្រោះសមត្ថភាពគ្រប់យ៉ាង​មិនអាចកើតមានលើមនុស្សដែលមានសុខភាពទន់ខ្សោយនោះទេ តែផ្ទុយទៅវិញ ការចងចាំ និង​ស្មារតី​វិជ្ជមាន​លើការអប់រំ​ តែងតែកើតឡើងចំពោះធនធានមនុស្សដែលមានសុខភាពរឹងមាំ។

លោក តែ ឡាយ ប្រធាននាយកដ្ឋានអប់រំនៃក្រុមហ៊ុន វេសឡាញ អេឌ្យូខេសិន គ្រុប បានលើកឡើងថា ការគិតគូរពីសុខភាពកុមារ និងយុវវ័យ​ជាកត្តាចាំបាច់ដែលសាលារៀន និងមាតាបិតាត្រូវយកចិត្តទុកដាក់ដើម្បីជួយជំរុញ​ការអភិវឌ្ឍ​ផ្នែកកាយសម្បទា ស្មារតី និងលទ្ធផល​ការសិក្សារបស់សិស្សានុសិស្សឱ្យកាន់តែប្រសើរ។ កុមារ និងយុវវ័យត្រូវការចាំបាច់នូវថាមពលទាំងផ្លូវកាយ និងផ្លូវចិត្តដើម្បី​ខិតខំប្រឹងប្រែង​អភិវឌ្ឍសមត្ថភាពរបស់ខ្លួនឱ្យក្លាយជា​មនុស្សពូកែនៅថ្ងៃអនាគត ហេតុនេះទើបសាលារៀន វ៉េស្ទឡាញន៍ បាន​​យកចិត្តទុកដាក់អនុវត្ត​កម្មវិធីអប់រំសុខភាពសិក្សាដែលជួយគាំទ្រ និង​ផ្តល់អត្ថប្រយោជន៍​ជាច្រើនដល់សុខភាពជាផ្លូវការ និង​កម្មវិធីប្រឹក្សាយោបល់ ដែលជាកម្មវិធីសំខាន់ក្នុងការផ្ដល់យោបល់ផ្នែកអប់រំ (learning to learn) សុខភាពផ្លូវចិត្ត (learning to live) និងមុខជំនាញការងារ (learning to work)។ កម្មវិធីទាំង2 នេះ​ត្រូវបានដំណើរការពេញលេញ​នៅឆ្នាំ 2018 ក្នុងគោលបំណង​លើកកម្ពស់​សុខភាព​ផ្លូវកាយ និងផ្លូវចិត្ត​របស់សិស្សានុសិស្ស​ដើម្បីទទួលបានលទ្ធផលការសិក្សាល្អ ជោគជ័យក្នុងការងារ និងទំនាក់ទំនងសង្គម ហើយកម្មវិធីនេះត្រូវបានបន្ថែមទៅក្នុងកម្មវិធីសិក្សា​ ឱ្យស្របតាមផែនការយុទ្ធសាស្រ្ត​របស់ក្រសួង អប់រំ យុវជន និងកីឡា។

លោក តែ ឡាយ បានមានប្រសាសន៍ថា៖ «​សម្រាប់សាលារៀនវ៉េស្ទឡាញន៍ នាពេលបច្ចុប្បន្ន កម្មវិធីអប់រំសុខភាពនេះ យើង​បានធ្វើជាមួយសិស្សចាប់ពីថ្នាក់មត្តេយ្យ​ឡើងទៅ តែសម្រាប់កម្មវិធីប្រឹក្សាសុខភាពផ្លូវចិត្ត យើងអនុវត្ត​ច្រើនជាមួយសិស្ស​ចាប់ពីថ្នាក់អនុវិទ្យាល័យឡើង ព្រោះបើតាមទិន្នន័យពីអង្គការការីតាស បានបង្ហាញថា ជាង 40% នៅកម្ពុជាជាយុវវ័យមានបញ្ហាផ្លូវចិត្ត»។

លោក តែ ឡាយ បានបញ្ជាក់ផងដែរថា បើតាមទិន្នន័យនេះ យុវវ័យកម្ពុជាមានបញ្ហាសុខភាពផ្លូវចិត្តច្រើនព្រោះពួកគេរស់នៅក្នុងស្ថានភាព​ដែលសង្គមមានការរីកចម្រើនខ្លាំង ដែលប្រឈមជាមួយបញ្ហាផ្សេងៗជាច្រើន ដូចជាបញ្ហាសង្គម និងបច្ចេកវិទ្យាជាដើម។ ហេតុនេះហើយ​ទើបយើងព្យាយាមគ្រប់លទ្ធភាពដើម្បីធ្វើយ៉ាងណាឱ្យពួកគេទទួលបានសេវាប្រឹក្សាយោបល់​ពីអ្នកជំនាញ​ច្បាស់លាស់ ដើម្បីកាត់បន្ថយបញ្ហា ហើយជំរុញឱ្យ​ស្ថានភាពផ្លូវចិត្តកាន់តែរឹងមាំ និងវិជ្ជមានឡើង។ ដើម្បីពង្រឹងលើការអប់រំក្នុងកម្មវិធីសិក្សាសំខាន់ៗទាំង2 ខាងលើនេះ ក្រុមហ៊ុន វេសឡាញ អេឌ្យូខេសិន គ្រុប បាន​ចុះអនុស្សរណយោគយល់គ្នាជាមួយ​អង្គការ រ៉ាក់ លើកម្មវិធីអប់រំសុខភាពបន្តពូជ និង​មន្ទីរសម្រាកព្យាបាល​រោគកុមារ ម៉ាកស៊ីឃែរ លើកម្មវិធីអប់រំសុខភាពកុមារ កាលពី​ចុងខែមករា ឆ្នាំ2019 នេះ។

លោកស្រី ឆាយ គឹមសុទ្ធាវី ប្រធាន​នាយកដ្ឋានអប់រំសុខភាពសិក្សានៃក្រសួង អប់រំ យុវជន និងកីឡា បានលើកឡើងថា ការចូលរួមចំណែករបស់គ្រឹះស្ថានរដ្ឋ និងឯកជនលើកម្មវិធី​អប់រំសុខភាពសិក្សា និងគ្រប់ផ្នែកពាក់ព័ន្ធនឹងសុខភាពនេះ គឺជាការចូលរួមចំណែកយ៉ាងប្រសើរក្នុងដំណើរការនៃការអនុវត្តកម្មវិធីលើកកម្ពស់សុខភាពអប់រំ ព្រោះការយកចិត្តទុកដាក់លើបញ្ហាសុខភាពក្នុងវិស័យ​អប់រំ​ជាបញ្ហាចម្បងមួយដែលរាជរដ្ឋាភិបាលកំពុងយកចិត្តទុកដាក់។

លោកស្រី ឆាយ គឺមសុទ្ធាវី បានមានប្រសាសន៍ថា៖ «​នៅបណ្តាប្រទេសមួយចំនួនគេ​យកកំណត់ច្បាប់ពាក់ព័ន្ធនឹងសុខភាពរបស់សិស្សានុសិស្សនេះ ព្រោះគេគិតថាវាជារឿងសំខាន់ខ្លាំងណាស់សម្រាប់ការអប់រំ និងសម្រាប់សង្គមទាំងមូល។ ចំពោះនៅប្រទេសយើងវិញ យើងក៏បានរៀបចំជាគោលនយោបាយផងដែរ ដើម្បី​ជំរុញឱ្យ​សិស្សានុសិស្សមានសុខភាពល្អទាំងផ្លូវកាយ ផ្លូវចិត្ត ដែលជាបច្ច័យដ៏សំខាន់ក្នុងការ​អភវិវឌ្ឍសមត្ថភាពសិក្សា»។

លោក ប៉ិច ប៉ូឡែន ប្រធាននាយកប្រតិបត្តិ​នៃក្រុមហ៊ុន វេសឡាញ អេឌ្យូខេសិន គ្រុប បានមានប្រសាសន៍ថា ការដាក់បញ្ចូលកម្មវិធីអប់រំសុខភាពសិក្សា និង​កម្មវិធីប្រឹក្សាយោបល់​ផ្នែកផ្លូវចិត្តនេះជាកម្មវិធីសំខាន់ដែលសាលារៀនវ៉េស្ទឡាញន៍ ​បានដាក់ចុះដើម្បីអនវុត្តឱ្យមានប្រសិទ្ធភាព និងដោះស្រាយបញ្ហាទាំងឡាយដែលកើតមានឡើង​ចំពោះសិស្ស ព្រោះវាជាផ្នែកសំខាន់ដែលមិនអាចខ្វះបាន មិនមែន​ដាក់ដើម្បីតែធ្វើទីផ្សារ​នោះទេ។ យើងព្យាយាមគ្រប់លទ្ធភាពដើម្បីអភិវឌ្ឍបន្ថែមឱ្យកាន់តែប្រសើរឡើង និងស្វែងរកអ្នកជំនាញកាន់តែល្អដើម្បី​ជួយ​​ ដើម្បីធានាថា ​ការជួយរបស់យើងអាចដោះស្រាយបញ្ហាបានយ៉ាងពិតប្រាកដ និងកាត់បន្ថយផលប៉ះពាល់។​

លោក ប៉ិច ប៉ូឡែន បានមានប្រសាសន៍ថា៖ «ក្រៅពីការអប់រំសុខភាពផ្លូវកាយ ការអប់រំផ្លូវចិត្តក៏ជារឿងសំខាន់មួយដែលយើងកំពុងយកចិត្តទុកដាក់។ យើងព្យាយាមធ្វើយ៉ាងណាឱ្យ​ដំណោះស្រាយរបស់យើងមានប្រសិទ្ធភាព និងស្របតាម​ជំនាញច្បាស់លាស់ ចៀសវាង​ធ្វើហើយប៉ះពាល់ទៅវិញ ព្រោះប្រសិនបើមានការផ្សព្វផ្សាយមិនល្អ វាអាចជះផលអវិជ្ជមានដល់​សិស្ស និងយុវវ័យទៅវិញទេ»។

លោក ប៉ិច ប៉ូឡែន ក៏បានជំរុញឱ្យបុគ្គលិករបស់ខ្លួនបង្កើនកិច្ចសហការល្អ ជាមួយ​ក្រសួង និងអ្នកជំនាញនានាដើម្បី​ជួយ​ឱ្យការដោះស្រាយបញ្ហាផ្នែកផ្លូវកាយ និងផ្លូវចិត្តកាន់តែប្រសើរឡើងសម្រាប់​យុវវ័យ លើគ្រប់រូបភាព ជាពិសេស​លើការផ្សព្វផ្សាយ​នានា៕

អត្ថបទពេញនិយម

អាការ​តាំង​គភ៌ថ្មីៗ និង14សញ្ញា​បញ្ជាក់ថាអ្នក​កំពុង​ជិត​ក្លាយជា​ម្តាយ​គេ​ហើយ

សម្រាប់​អាការ​របស់​អ្នក​តាំង​គភ៌​រយៈដំបូងៗ តើ​យើង​នឹង​ដឹង​យ៉ាងណា​បាន​ថា កំពុងតែ​មានគភ៌​ឬក៏​អត់? ព្រោះ​ក្នុង​រយៈ​ពេល​1សប្តាហ៍​ដំបូង អាច​និយាយបានថា ជា​អំឡុង​ពេលដែល​មិនសូវ​បង្ហាញ​អាការ​ប៉ុន្មាន​ឡើយ ហើយ​បើ​អីុចឹង តើនារីៗយើង​នឹង​ដឹង ហើយ​ប្រាកដ​ក្នុង​ចិត្ត​យ៉ាងណា​បាន​ទៅ​ថា...

អាការ9យ៉ាង​នៃ​អ្នក​ចាប់ផ្តើម​មាន​ផ្ទៃពោះ ដែលនារីៗទាំងឡាយ​គួរ​ដឹង

សញ្ញា​នៃ​ការតាំង​គភ៌​មិន​មែនមាន​ត្រឹមតែ​ការ​ក្អួតចង្អោរ​ប៉ុណ្ណោះ​ទេ ព្រោះ​អាការ​របស់​អ្នកមាន​ផ្ទៃពោះ​ក្នុង​រយៈ​ដំបូង​អាច​មិន​ដូចគ្នា​ទាំងអស់​នោះទេ អ្នកខ្លះ​ចាញ់​ខ្លាំង ឬ​អ្នកខ្លះ​សឹងតែ​គ្មាន​អាការ​ចាញ់កូន​សោះ​ក៏មាន ឯ​អ្នក​ខ្លះទៀត​កើត​អាការប្លែកៗដែល​ធ្វើឱ្យ​យល់ច្រឡំ​ថា ជា​អាការ​ជំងឺ​អ្វីមួយ​ទៅវិញ ដូច្នេះ​នៅពេលនេះ ឡា​រ៉ែ​ន សូម​រួបរួម​អាការ​របស់​អ្នកមាន​ផ្ទៃពោះ​ក្នុងលក្ខណៈផ្សេងៗមក​ជម្រាប​ជូនជ្រាប...

ត្រូវតែដឹង… អាការឈឺពោះផ្នែកខាងស្ដាំបញ្ជាក់ប្រាប់ពីជំងឺអ្វីខ្លះ?

នរ​ណាៗ​ក៏​ដឹង​ដែរ​ថា​ អាការ​ឈឺពោះ​នេះ​ នៅពេល​ដែល​វា​កើតឡើង​ហើយ​ តែងតែ​សាង​នូវ​ក្ដី​លំបាក​ដល់​រាងកាយ​របស់​យើង​ខ្លាំង​ណាស់​ មិនថា​តែ​ឈឺពោះ​ផ្នែក​ខាងឆ្វេង​ ឬផ្នែក​ខាងស្ដាំ​ឡើយ​។ បើសិនជា​អាការ​ឈឺ​ក្នុង​លក្ខណៈ​នោះ​កើតឡើង​ចំពោះ​យើង​ញឹកញាប់​ នោះ​វា​អាច​ជា​សញ្ញា​មួយ​ដែល​ប្រាប់​ឱ្យ​យើង​ដឹង​អំពី​បញ្ហា​សុខភាព​ដែល​កំពុង​ជិត​មកដល់​ ដូច្នេះ​សូម​ឱ្យ​នឹក​ឃើញ​ជាប់​ជានិច្ច​ថា​...

វិធីពន្លឿនការមករដូវប្រចាំខែ ឱ្យធ្លាក់លឿនជាងមុន មិនមានគ្រោះថ្នាក់ និងទទួលបានផលល្អ

ការមករដូវ គឺជារឿងធម្មតាសម្រាប់ស្ត្រី ប៉ុន្តែស្ត្រីមួយចំនួនអាចមានបញ្ហាមករដូវមិនប្រក្រតី ហើយមានស្ត្រីខ្លះឆាប់មករដូវ ខ្លះទៀតបាត់រដូវ រដូវមកមិនទៀងទាត់ ឬមករដូវយឺតជាដើម។ ស្ត្រីខ្លះអាចរាំងរដូវរហូតដល់គិតថា អ្នកមានផ្ទៃពោះម្តងទៀត...

ឈឺពោះខាងស្តាំ… អាការឈឺនេះបញ្ជាក់ពីជំងឺអ្វីបានខ្លះ?

ឈឺពោះខាងស្តាំញឹកញាប់ រហូតចាប់ផ្តើមនឹកចម្លែកចិត្តចំពោះខ្លួនឯង ថាអេះ៎? អាការឈឺពោះខាងស្តាំនេះកំពុងតែប្រាប់ពី ហេតុអ្វីម្យ៉ាងនៅក្នុងរាងកាយឱ្យយើងដឹងទេដឹង?។ អាការឈឺពោះខាងស្តាំ មិនថាតែផ្នែកខាងលើ ខាងក្រោម ឬឈឺពោះម្តុំក្រោមឆ្អឹងជំនីនោះឡើយ គ្រប់អាការឈឺពោះដែលកើតឡើងសុទ្ធតែមានដើមកំណើតរបស់វាទាំងអស់...

បច្ចេកវិទ្យាបូម FOX ដ៏អស្ចារ្យនៅលើរថយន្ត Ford Ranger Raptor ដែលអ្នកប្រើប្រាស់ភាគច្រើនមិនបានដឹង!

កំពូលរថយន្ត Ford Ranger Raptor គឺមានសមត្ថភាពខ្លាំងក្នុងការបើកបរលើផ្លូវឧបសគ្គដែលអាចពុះពារគ្រប់ឧបសគ្គទាំងអស់ដែលបានឆ្លងកាត់ ដោយសារតែម៉ាស៊ីនសាំង 3.0L Twin-Turbo V6...

អាចម៍ផ្កាយដែលទើបតែធ្លាក់បុកផែនដីថ្មីៗនេះ មាន​រង្វិល​ខ្ញាល់​លឿន​បំផុត

2024 BX1 ​ដែលទើប​តែ​បាន​ធ្លាក់​មក​បុក​នឹង​ផែន​ដី​កាល​ពី​ថ្ងៃទី 21 មករា គឺ​ជា​​អាចម៍​ផ្កាយ​ដែល​ធ្វើដំណើរ​ក្នុង​ល្បឿន​​លឿន​ជាង​វត្ថុអវកាស​ទាំង​ឡាយ​ដែល​ស្ថិត​នៅ​ក្បែរ​ផែនដី​។ អាចម៍​ផ្កាយ ​2024 BX1 ប្រែក្លាយ​ជា​ដុំ​ភ្លើង​...

មនុស្ស​ហោះដល់ភពអង្គារ​ក្នុងរយៈ​ពេល​ខ្លីជាង​បច្ចុប្បន្ន ពេល​ប្រើ​បច្ចេកវិទ្យា​ថ្មី​នេះ

បច្ចេកវិទ្យា​រ៉ុក្កែតនុយក្លេអែរ​មួយ​ប្រភេទ​ដែល​ហៅ​ថា Pulsed Plasma Rocket (PPR) អនុញ្ញាត​ឱ្យ​យាន​អវកាស​ហោះ​ដល់​ភព​អង្គារ​ដោយ​ប្រើ​ពេល​តែ​ពីរ​ខែ​ ខណៈ​ដែល​បច្ចុប្បន្ន​គេ​ត្រូវ​ចំណាយ​ពេល​ប្រហែល​ 9​​ខែ។ កាល​ពី​ថ្ងៃទី 1...

Ford Ranger ទទួលចំណាត់ថ្នាក់ផ្កាយ៥ ជារថយន្តមានសុវត្ថិភាពបំផុត!

កន្លងទៅថ្មីៗនេះ រថយន្ត Next-Generation Ford Ranger ត្រូវបានផ្លាស់ប្តូររូបរាងថ្មី និងកំណែទម្រង់ថ្មីទាំង​ស្រុងដែលមានភាពហាប់ណែន រឹងមាំជាមុន និងរួមទាំងបូក​បញ្ជូល​​​នូវ​ប្រព័ន្ធសុវត្ថិភាពទំនើបៗជាច្រើន​ទៀត...

ថៃប្ដូរ​យុទ្ធសាស្ត្រ​ទាក់ទាញ​ទេសចរ​ ព្រោះ​តែ​អាកាសធាតុ

អគ្គនាយកដ្ឋាន​ទេសចរណ៍​ថៃ (TAT) កំពុង​តែ​ត្រៀម​ខ្លួន​ដើម្បី​ជំរុញ លើក​ទឹក​ចិត្ត​ដល់​ក្រុម​ទេសចរណ៍​ព្រឹក​ព្រលឹម និង​ព្រលប់ ក្នុង​បំណង​រក្សា​លំនឹង​ក្នុង​ទីផ្សារ​ទេសចរណ៍​ គ្រា​ដែល​អាកាសធាតុ​ក្ដៅ​ខ្លាំង​ ធ្វើ​ឱ្យ​មនុស្ស​ម្នា​មិន​ចង់ចេញ​ទៅ​ក្រៅ​។ ​លោក​ស្រី Somradee...

ក្រុមហ៊ុន Virtus Solis មានគម្រោងផលិតអគ្គិសនីព្រះអាទិត្យក្នុងទីអវកាស

ក្រុមហ៊ុន Virtus Solis គ្រោងនឹងប្រើប្រាស់រ៉ុក្កែត Starship ដើម្បីបាញ់បង្ហោះផ្ទាំងសូឡាទំហំមួយគីឡូម៉ែត្រ ឡើងទៅកាន់ទីអវកាស ដើម្បីផលិត និងបាញ់បញ្ជូនអគ្គិសនីពីលើមេឃមកកាន់ផែនដី។ Virtus...

ហេតុអ្វីអាកាសធាតុកាន់តែក្ដៅឡើងៗ?

ក្នុង​រង្វង់​ 100​ឆ្នាំ​កន្លង​ទៅ​នេះ​ ការ​កើន​ឡើង​កម្ដៅ​របស់​ផែនដី​កាន់​តែ​បង្ហាញ​ច្បាស់​ឡើង​ៗ​ ធ្វើ​ឱ្យ​អ្នក​វិទ្យាសាស្ត្រ​មាន​ការ​ព្រួយបារម្ភ។ ក្នុង​អនាគត​ កម្ដៅ​ផែនដី​ក៏​នឹង​កើន​ឡើង​បន្ត​ទៀត​ ហើយ​បន្សល់​ទុក​នូវ​ផល​វិបាក​យ៉ាង​ធ្ងន់​ធ្ងរ​។ ដូច្នេះ​តើ​បាតុភូត​ផែនដី​ឡើង​កម្ដៅ​កើត​ឡើង​ដោយ​សារ​កត្តា​អ្វី​ខ្លះ​? ការ​ឡើង​កម្ដៅ​ផែនដី​​បង្ក​ផល​វិបាក​អ្វី​ខ្លះ​?...

អត្ថបទស្រដៀងគ្នា