កីឡាករវាយកូនបាល់ Rafael Nadal បានយកឈ្នះលើកីឡាករ Matthew Ebden ក្នុងលទ្ធផល 6-3 6-2 និង6-2 ក្នុងការប្រកួតជុំទី2នៃព្រឹត្តិការណ៍ Australian Open កាលពីថ្ងៃពុធ ជាមួយនឹងការបង្ហាញពីទម្រង់លេងយ៉ាងល្អ។
កីឡាករមានចំណាត់ថ្នាក់លេខ2 ប្រចាំព្រឹត្តិការណ៍មួយនេះ បានយកឈ្នះក្នុងការប្រកួតសិតទី1 ដែលមានការប្រជែងយ៉ាងខ្លាំងពីកីឡាករអូស្ត្រាលី Ebden ដែលគួរតែដណ្តើមបានជ័យជម្នះក្នុងពេលស្ថិតក្នុងពិន្ទុស្មើ 3-3។ Ebden បានវាយកូនបាល់ខុសដោយឥតរំពឹងទុក ហើយការប្រព្រឹត្តកំហុសនោះបានបង្កើតឱ្យមានការកាត់សេចក្តីតែម្តង។
កីឡាករអូស្ត្រាលីរូបនេះ បានឈានទៅកាន់ការប្រកួតបន្ទាប់ តាមរយៈការបង្កើតឱ្យមានកំហុស 2លើកទៀត ហើយកីឡាករ Nadal របស់អេស្ប៉ាញ បានបង្ហាញពីទម្រង់លេងដ៏រឹងមាំរបស់ខ្លួន ដើម្បីកត់ត្រាជ័យជម្នះដោយងាយតែម្តង។
Nadal បានឱ្យដឹងថា៖ «ខ្ញុំមិនបានចាប់ផ្តើមយ៉ាងល្អឡើយ តែបន្ទាប់មកខ្ញុំបានសង្គ្រោះការប្រកួតនោះតាមរយៈការដណ្តើមបានពិន្ទដ៏សំខាន់ៗ 3លើក។ បន្ទាប់ពីនោះ អ្វីៗបានផ្លាស់ប្តូរ។ ខ្ញុំគិតថា ខ្ញុំបានលេងយ៉ាងល្អហើយ»។
Nadal ដែលមិនបានបង្ហាញពីសញ្ញានៃការមានបញ្ហាត្រង់សាច់ដុំភ្លៅដែលរូបគេបានប្រឈមនៅមុនពេលយុទ្ធនាការធំដំបូងគេប្រចាំឆ្នាំនេះ នឹងត្រូវជួបជាមួយនឹងកីឡាករ Alex de Minaur ក្នុងការប្រកួតជុំទី3 ដើម្បីជួបជាមួយនឹងកីឡាករអូស្ត្រាលី ក្នុងការប្រកួតលើកទី3 ជាប់ៗគ្នារបស់គេ៕
