មិនត្រឹមតែបានជួយស្ត្រីបង្កើតកូនឱ្យស្ត្រីអនាថានោះទេ កញ្ញាលីលី ថែមទាំងប្រកាសស្វែងរកមន្ទីរពេទ្យ ដែលស្ត្រីខាងលើស្នាក់នៅ ដើម្បីបានជួយឧបត្ថម្ភថវិកាផ្ទាល់ខ្លួន និងពីសប្បុរជនផ្សេងទៀត ដែលកញ្ញាផ្ទាល់ជាអ្នកផ្តួចផ្តើមគំនិតក្នុងការបង្កើតមូនិធិនេះឡើងដើម្បីជួយស្ត្រីខាងលើផ្ទាល់។
ដោយឡែកនៅថ្ងៃនេះវិញ កញ្ញារូបស្រស់ លីលី បានជួបស្ត្រីខាងលើហើយ នៅមន្ទីរពេទ្យកាល់ម៉ែត ថែមទាំងធ្វើការសំណេះសំណាល ក៏ដូចជានាំយកថវិកាខ្លួនឯង និងសប្បុរសជននានា មកធ្វើការឧបត្ថម្ភស្ត្រីខាងលើផងដែរ។
នេះបើតាមអ្វីដែលកញ្ញាបានបង្ហោះក្នុងគណនីហ្វេសបុកផ្ទាល់ខ្លួន យ៉ាងដូច្នេះថា ពេលនេះនាងខ្ញុំបានមករកបងស្រីឃើញហើយ គឺគាត់កំពុងតែស្នាក់នៅក្នុងមន្ទីពេទ្យ បងស្រីនឹងកូនមានសុវត្ថិភាពល្អ តែបងស្រីមានសាកភាពទន់ខ្សោយខ្លាំង ហើយនឹងខ្វះខាត សម្ភារៈប្រើប្រាស់ជាច្រើនផងដែរ។ តែពេលនេះនាងខ្ញុំ លីលី យកជាថវិកា តិចតួច និងសម្ភារៈប្រើប្រាស់ចាំបាច់តិចតួច យកទៅជូនបងស្រីសិន ដើម្បីដោះស្រាយបញ្ហាខ្វះខាត (ពេលមកដល់ភ្លាចខ្ញុំឃើញបងស្រីគេងក្នុងសាកភាពទនន្សោយខ្លាំង ហើយគ្មានភួយខ្នើយ នឹងខោរអាវសូម្បីតែមួយកសម្រាប់ អ្វីដែលធ្វើអោយនាងខ្ញុំក្ដុកក្ដួលទប់ទឹកភ្នែកមិនបាននោះ គឺសូម្បីតែទឹកដោះគោ ក៏គ្មានឲ្យកូនបៅដែរ) នេះទើបជាមនុស្សខ្សោយនឹងខ្វះខាតប្រាក់ពិត នាងខ្ញុំសូមអោយបងប្អូនទាំងអស់ ដែលមានចិត្ដសប្បុរធម៌ជួយគ្នាម្នាក់តិចតួចក្ដី ឬក៏ជាសម្ភារៈប្រើប្រាស់ក្ដី អោយបងស្រីបានដោះស្រាយបញ្ហាខ្វះខាតផង…. បើសិនបងប្អូនណាមានចិត្ដសប្បុរធម៌ចង់ជួយបងស្រីអាចទំនាកទំនង តាមលេខទូរសព្ធនាងខ្ញុំផ្ទាល់ (086 22 33 55 / 060 22 33 55) ឬតាមរយៈ FB នាងខ្ញុំផ្ទាល់ Lyly Yaka Il៕
