ការរង់ចាំរបស់ប្រិយមិត្តបានមកដល់ហើយ! ពេលនេះក្រុមហ៊ុនផលិតឈីប intel របស់អាមេរិកបានដាក់ចេញនូវបន្ទះឈីបជំនាន់ថ្មីហើយក្នុងឆ្នាំ 2017 នេះនៅក្នុងព្រឹត្តិការណ៍ Computex នៅទីក្រុងសៀងហៃ ក្រោយពី Core i7 បានគ្រងតំណែងអស់រយៈពេលជាច្រើនឆ្នាំ។
បន្ទះឈីប CPU ថ្មីនេះ ក្រុមហ៊ុនដាក់ចេញសម្រាប់តែកុំព្យូទ័រលើតុប៉ុណ្ណោះ ដោយសម្រាប់កុំព្យូទ័រយួរដៃ នឹងចេញនៅពេលក្រោយ។ Intel បញ្ចេញវាមកនៅពេលនេះ ព្រោះចង់ឆ្លើយតបទៅនឹងក្រុមហ៊ុន AMD ដែលកំពុងតែសម្បើមដៃក្នុងទីផ្សារបន្ទះឈីបនេះ។ បន្ទះឈីប Intel Core i9 នេះមានចំនួន 7 ស៊េរីផ្សេងៗគ្នា ដែលល្បឿន ទំហំ Cach និងកម្រិតស៊ីភ្លើងចន្លោះពី 140W ទៅ 165W។ ឈីបថ្មីនេះ ក៏ផ្ដល់សិទ្ធិឱ្យម្ចាស់របស់វាធ្វើការ OverClock ល្បឿន ទៅតាមប្រភេទ Motherboard និងអាចគាំទ្រ RAM ប្រភេទ DDR4-2666 ជាមួយ 44 PCIe 3.0 Lanes ។ ខាងក្រោមនេះ ជាស៊េរីបន្ទះឈីបដែលក្រុមហ៊ុន Intel ទើបដាក់ចេញ៖
- Intel Core i9 7800X : 6 Cores/12 Threads
- Intel Core i9 7820X : 8 Cores/16 Threads
- Intel Core i9 7900X : 10 Cores/20 Threads
- Intel Core i9 7920X : 12 Cores/24 Threads
- Intel Core i9 7940X : 14 Cores/28 Threads
- Intel Core i9 7960X :16 Cores/32 Threads
- Intel Core i9 9780XE : 18 Cores/36 Threads
ក្នុងចំណោមពួកវាទាំង 7 Intel Core i9 9780XE នេះមាន 18 Cores និង 36 Threads គឺមានសមត្ថភាពខ្លាំងជាងគេ ដែលអាចធ្វើឱ្យអ្នកនិយមលេងស៊េរីកុំព្យូទ័រផ្នែករចនារូបភាព វីដេអូ ឬកំពូលហ្គេម បាក់ចិត្តស្រឡាញ់តែម្តង តែបើមើលពីតម្លៃវិញក៏ខ្ពស់កប់ៗដូចគ្នាដែរ។ តម្លៃរបស់វា គឺ 1999 ដុល្លារ ដែលវាអាចបម្រើគ្រប់តម្រូវការ កុំតែយកទៅធ្វើម៉ាស៊ីន Server៕
