សារព័ត៌មានឡារ៉ែន ទទួលបានដំណឹងថា លោក ចាន់ វឌ្ឍនាកា ដែលជាកីឡាកបាល់ទាត់ក៏ដូចជាសិល្បករល្បីមួយរូបប្រចាំព្រះរាជាណាចក្រកម្ពុជា រួមនិងមិត្តស្រី ធ្វើដំណើរថយន្តស៊េរីទំនើបមួយគ្រឿងបោះពួយ ឆ្លងផ្លូវលឿនពេកបួងចង្កូតមិនទាន់ជ្រុលបុកខឿនផ្លូវក្រោមស្ពាន អាកាស7មករា បែករាយពេញ ផ្លូវរថយន្តបង្កខូចខាតផ្នែកខាងមុខខាងឆ្វេង យ៉ាងដំណំទៅមុខលែងរួច ជាសំណាងល្អមិនមានអ្នករងបួស។
ហេតុការណ៍នេះកើតឡើងកាលពីវេលាម៉ោង1និង40នាទីយប់រំលងអធ្រាត្រឈានចូលថ្ងៃអង្គារទី8ខែមករា ឆ្នាំ2019 ស្ថិតនៅខាងក្រោយស្ពានអាកាស7មករា តាមបណ្តោយផ្លូវសហពន្ធ័រុស្សី កែងនិងផ្លូវ271 ភូមិបូរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ក្រោយកើតហេតុសមត្ថកិច្ចមូលដ្ឋាន បានទំនាក់ទំនងទៅសមត្ថកិច្ចជំនាញចុះមក ធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវ គោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕
