ស្ថានភាពជំងឺដ៏គួរឱ្យព្រួយបារម្ភរបស់តារាឯកប្រុស Kim Woo Bin ដែលសាមីខ្លួនបានប្រកាសយ៉ាងជាក់លាក់ថា នៅពេលនេះលោកកំពុងមានជំងឺមហារីកច្រមុះ តែសំណាងល្អដែលវាស្ថិតនៅក្នុងដំណាក់កាលដំបូង និងនៅអាចព្យាបាលបាន ក្រៅពីនេះលោកវេជ្ជបណ្ឌិត Dr. Jung Yoo Seok បានផ្ដល់បទសម្ភាសផ្ទាល់អំពីការព្យាបាលជំងឺ និងព័ត៌មានលម្អិតបន្ថែមពីស្ថានភាពជំងឺមហារីកច្រមុះរបស់តារាប្រុសខាងលើនេះ។
លោកវេជ្ជបណ្ឌិត បានផ្ដល់បទសម្ភាសនៅក្នុងកម្មវិធី 2TV’s Entertainment Weekly ដោយបានថ្លែងថា តារាប្រុស Kim Woo Bin មានជំងឺមហារីកច្រមុះ ដែលអាការនេះអាចព្យាបាលឱ្យជាសះស្បើយឡើងវិញបាន អាស្រ័យលើការចាប់យកកោសិកាមេរោគមហារីកមកពិនិត្យ។
ជាចុងក្រោយ លោកវេជ្ជបណ្ឌិត Jung Yoo Seok បាននិយាយថា ដោយសារតែដុំសាច់បង្កនៅត្រង់កន្លែងដែលរកឃើញនេះមានចំនួនតិចនៅឡើយ ទើបការព្យាបាលដំណាក់កាលដំបូង គឺគ្រាន់តែផ្ដល់ថ្នាំ និងមិនចាំបាច់ធ្វើការវះកាត់ឡើយ ព្រោះសាច់នៅម្តុំនោះមិនអាចធ្វើការវះកាត់បាន ហើយចំពោះមេរោគមហារីកដែលទើបចាប់កំណើត និងស្ថិតក្នុងដំណាក់កាលទី ២នេះ គឺមានឱកាសជាសះស្បើយដល់ទៅ ៧០% រីឯដំណាក់កាលទី ៣ និងឡើងដល់ទី ៤ គឺអាស្រ័យទៅលើសុខភាពរបស់អ្នកជំងឺផ្ទាល់ ៕
