ពីក្រុមចម្រៀង និងជាអ្នកផលិតបទចម្រៀង Ice Band ដែលអ្នកគាំទ្របានស្គាល់ស្នាដៃម្ដងរួចមកហើយតាមរយៈបទកីឡាជាតិ ម្ដងនេះហាក់មានជំនឿចិត្តយ៉ាងខ្លាំង បានបញ្ចេញស្នាដៃបទថ្មីចំណងជើង «មិនយល់» ។ ប្រធានក្រុមបានឱ្យដឹងពីខ្លឹមសារ និងចំណុចពិសេសយ៉ាងខ្លាំង ដែលនាំឱ្យក្ដីសង្ឃឹមចំពោះបទនេះមានសន្ទស្សន៍ខ្ពស់។
បន្ទាប់ពីបានទម្លាយនៅបណ្ដាញសង្គមយូធូបមក គេមើលឃើញ ទទួលបានការគាំទ្រខ្លាំងតែម្ដង ទើបរឹតតែធ្វើឱ្យក្រុមមួយនេះរំពឹងខ្លាំង។ តំណាងក្រុម Ice Band និយាយថា បើសម្ទុះគាំទ្រក្នុងបទ «មិនយល់» បន្តឈានឡើងដូចការចង់បាន នោះMV បទថ្មី នឹងបន្តផលិតឡើងឱ្យកាន់តែល្អ ដើម្បីឱ្យស្នាដៃរបស់ខ្លួនផ្ទុះខ្លាំង។
តំណាងក្រុមដដែរបានបន្ដថា ក្រោយបោះជំហានចូលក្នុងផលិតកម្មថោន ក្រុមចម្រៀងមួយនេះ នឹងត្រៀមបញ្ចេញស្នាដៃជាច្រើន ដើម្បីពង្រីកស្នាដៃនៅក្នុងពិភពចម្រៀង។ ជាក់ស្ដែងមកទល់ពេលនេះ មានបទភ្លេង និងបទចម្រៀងច្រើនបទមកហើយ ខណ:ដែលបទទាំងនោះ នឹងត្រូវបញ្ចេញបន្តបន្ទាប់ ជាពិសេសចាប់ពីដើមឆ្នាំ2019តទៅ៕
