តាមរយៈទំព័ររបស់នាយកដ្ឋានសិល្បៈទស្សនីយភាពដែលបានបង្ហោះផ្សាយមុននេះបន្ដិចបានឱ្យដឹងថា ការទន្ទឹងរង់ចាំទស្សនាផ្ទាំងទស្សនីយភាពដ៏អស្ចារ្យកម្រមាន គឺល្ខោនយីកេ រឿង ទុំទាវ ដែលសម្តែងដោយសិល្បករជើងចាស់ជើងថ្មីរួមគ្នាបីជំនាន់បានមកដល់ហើយ។
ព្រឹត្តិការណ៍ទស្សនីយភាពល្ខោនយីកេ រឿង ទុំទាវ ក្រោមប្រធានបទ “ទុំទាវ៣ជំនាន់” បានបើកឱ្យទទួលសំបុត្រទស្សនាដោយឥតគិតថ្លៃហើយ ដែលចូលរួមសម្តែងដោយសិល្បករជើងចាស់ជើងថ្មីរួមគ្នា ចាប់ពីអំឡុងឆ្នាំ1960 រហូតបច្ចុប្បន្ន។ រៀបចំសម្តែងដោយ នាយកដ្ឋានសិល្បៈទស្សនីយភាព សហការរៀបចំ និងឧបត្ថម្ភដោយសហភាពសហព័ន្ធយុវជនកម្ពុជា។
ចូលអញ្ជើញរួមគាំទ្រ និងលើកស្ទួយវិស័យសិល្បៈវប្បធម៌ជាតិទាំងអស់គ្នា។ សូមប្រញាប់ទំនាក់ទំនងទទួលសំបុត្រ ព្រោះកន្លែងមានកំណត់៕
