បេនី យ៉ាំង ទើបតែបើកហាងថ្មីសោះ ឥឡូវប្រកាសបន្ថែមអាជីពមួយផ្សេងទៀតហើយ

បេនី យ៉ាំង ទោះបីជាផ្អាកពីសិល្បៈហើយក្ដី ក៏ប្រជាប្រិយភាព នាងមិនធ្លាក់ចុះដែរ នៅតែមានអ្នកគាំទ្រនាងមករហូត។ ជាពិសេស មួយរយៈពេលនេះមើលទៅ នាងរវល់ខ្លាំងមែនទែន ជាមួយមុខជំនួញផ្ទាល់ខ្លួន ម្យ៉ាងវិញទៀត គឺថាជំនួញនេះជោគជ័យខ្លាំងគួរឱ្យកត់សម្គាល់។ ប្រិយមិត្តប្រហែលជ្រាបហើយថា នាងជាតារាមួយរូបដែលល្បីខាង ស្លៀកពាក់ ស៊ិចស៊ី ហើយពេលនេះ មិនថានាងឈប់សម្ដែងពិតមែន តែនាងនៅរក្សាភាព ស៊ិចស៊ីដដែល អាចនិយាយថាចង់ខ្លាំងជាងពេលនៅជាអ្នកសិល្បៈ ទៅទៀត។

ងាកមកដឹងពីជីវិតឯកជនរបស់អតីតតារាសម្ដែងស្រីរូបនេះវិញ បច្ចបុប្បន្ននាងក៏ជាម្ចាស់ហាងដែលមានឈ្មោះថា “Lorem” ខណៈដែលទើបបើកដំណើរការណ៍មិនប៉ុន្មានផង ស្រាប់តែពេលនេះ កញ្ញា ក៏បានប្រកាសថា ខ្លួនគ្រោងបើកមុខជំនួញថ្មីមួយទៀត ដែលនឹងត្រូវចំណាយទុនមិនតិចនោះទេ។ តាមរយៈគណនីហ្វេសប៊ុកផ្ទាល់របស់នាង បានបង្ហោះសារថា​ “ឡានថ្មីចា៎ តែមិនមែនទិញមកជិះទេណាហាហា ពេលនេះខ្ញុំមានលក់ឡាន បន្តិចទៀតខ្ញុំផុសរូបឡានដែលនាងខ្ញុំមានលក់ សូមជួយគាំទ្ររផងមុខរបរថ្មីថ្មោង”។ នេះអាចបញ្ជាក់ថា បេនី យ៉ាំង គ្រោងនឹងបន្ថែមអាជីពលក់ឡានបន្ថែមទៀតហើយក៏ថាបាន៕