កីឡាករវាយកូនបាល់ Roger Federer បានគេចផុតពីការធ្លាក់ចេញពីព្រឹត្តិការណ៍ ATP Finals នៅពេលដែលម្ចាស់ជើងឯក 6សម័យកាលរូបនេះ បានយកឈ្នះលើកីឡាករ Dominic Thiem យ៉ាងងាយស្រួលក្នុងលទ្ធផល 6-2 និង6-3 កាលពីថ្ងៃអង្គារ។
ក្រោយពីចាញ់ក្នុងការប្រកួតបើកឆាករបស់គេនៅលើទីលាន O2 Arena ក្នុងទីក្រុងឡុងដ៍ក្នុងការប្រកួតជាមួយកីឡាករ Kei Nishikori កីឡាករ Federer ត្រូវធ្លាក់ចេញប្រសិនបើរងបរាជ័យក្រោមស្នាដៃកីឡាករ Thiem។ Federer ធ្លាប់បានខកខានក្នុងការឆ្លងផុតវគ្គចែកពូលត្រឹមតែ 1លើកគត់ក្នុងការបង្ហាញខ្លួនទាំង15លើករបស់គេកាលពីពេលមុនៗ ក្នុងព្រឹត្តិការណ៍បិទរដូវកាលពោរពេញដោយកិត្យានុភាពមួយនេះ។
ការខកចិត្តតែមួយលើកនោះបានកើតឡើងកាលពី 10ឆ្នាំមុន នៅពេលដែលព្រឹត្តិការណ៍ ATP Finals ត្រូវបានរៀបចំឡើងក្នុងទីក្រុងស៊ាងហៃ ហើយ Federer នៅតែមានឱកាសក្នុងការគេចផុតពីជោគវាសនានោះ ក្រោយពីបានយកឈ្នះលើកីឡាករ Thiem ក្នុងរយៈពេលត្រឹមតែ 66នាទី។
ការប្រមាញ់រកការឈ្នះពាន ATP Finals ជាលើកទី7 និងជាលើកទី១ក្នុងយុទ្ធនាការនេះ ចាប់តាំងពីឆ្នាំ2011 ដែលនឹងក្លាយជាពានទី100 ក្នុងអាជីពប្រកបដោយផ្លៃផ្ការបស់គេ នឹងតម្រូវឱ្យ Federer ត្រូវតែផ្តួលកីឡាករអាហ្វ្រិកខាងត្បូង Kevin Anderson ក្នុងការប្រកួតចុងក្រោយក្នុងពូល ដើម្បីឈានទៅវគ្គពាក់កណ្តាលផ្តាច់ព្រ័ត្រ៕
ប្រភពពី៖ Channel News Asia
