កីឡាករប្រដាល់សកល Floyd Mayweather បានបញ្ជាក់ថារូបគេមិនបានយល់ព្រមដើម្បីប្រកួតជាមួយនឹង Tenshin Nasukawa ឡើយ និង «មិនធ្លាប់បានឮ» កីឡាករប្រដាល់សេរីរបស់ជប៉ុនរូបនេះឡើយ រហូតដល់សប្តាហ៍នេះ។
អតីតម្ចាស់ខ្សែក្រវាត់ពិភពលោក៥ប្រភេទទម្ងន់ផ្សេងគ្នារូបនេះ ត្រូវបានព័ត៌មានជាច្រើនចេញផ្សាយថា បានយល់ព្រមប្រកួតជាមួយនឹងកីឡាករ Nasukawa ក្នុងប្រទេសជប៉ុន នៅថ្ងៃទី31 ខែធ្នូ។ Mayweather វ័យ41ឆ្នាំ បានបញ្ជាក់ថា រូបគេត្រូវបានឱ្យស្នើឱ្យធ្វើការប្រកួតដោយគ្មានការផ្សាយតាមកញ្ចក់ទូរទស្សន៍មួយ សម្រាប់ «អ្នកទស្សនាដែលមានទ្រព្យធន់»។ Mayweather បានបញ្ជាក់ថា៖ «នៅពេលដែលខ្ញុំបានទៅដល់សន្និសីទសារព័ត៌មាន ក្រុមរបស់ខ្ញុំ និងខ្ញុំផ្ទាល់ពិតជាត្រូវបានធ្វើឱ្យមានភាពស្រឡាំងកាំងទាំងស្រុង។ យើងគួរតែបញ្ឈប់សន្និសីទនោះភ្លាមៗ»។ កីឡាកររូបនេះបានបន្ថែមទៀតថា៖ «ខ្ញុំអាចធានាដល់អ្នកថា ខ្ញុំពិតជាមិនអ្វីទាំងអស់ចំពោះការរៀបចំដែលត្រូវបានធ្វើឡើងដោយគ្មានការយល់ព្រមទាំងសងខាង ឬយល់ព្រមគ្នា។ ខ្ញុំបានស្ទាក់ស្ទើរក្នុងការបង្កើតឱ្យមានការរំខានដ៏ធំមួយដោយប្រឆាំងនឹងអ្វីដែលត្រូវបានលើកឡើង និងសម្រាប់អ្វីដែលខ្ញុំពិតជាសោកស្តាយ»។
កីឡាករប្រដាល់អាមេរិកមិនស្គាល់ចាញ់រូបនេះ បានធ្វើឱ្យកំណត់ត្រាឈ្នះរបស់គេកើនដល់50លើក កាលពីខែសីហា ឆ្នាំ2017 ក្រោយពីបានយកឈ្នះលើកីឡាករយុទ្ធគុនចម្រុះរបស់ UFC គឺ Conor McGregor ក្នុងការប្រកួតមួយដែលធ្វើឱ្យរូបគេទទួលបានចំណូល300លានដុល្លារអាមេរិក៕
ប្រភពពី៖ BBC
