spot_img

The 4’R ដែល​អ្នកជំនួញ​គួរ​យល់ដឹង ​ដើម្បីទទួលបាន​ជោគជ័យ​នៅលើ​ទីផ្សារ

- Advertisement -

ការចាប់ផ្តើម​អាជីវកម្ម​អ្វីមួយ​ដោយ​ខ្លួនឯង មិនមែនជា​ការលំបាក​នោះទេ ប៉ុន្តែ​អ្វីដែល​លំបាក​នោះគឺថា ត្រូវធ្វើ​យ៉ាងណា​ឱ្យ​អាជីវកម្ម​របស់ខ្លួន​ដំណើរការ​ទៅមុខ​ជានិច្ច​និរន្តរ៍​នៅលើ​ទីផ្សារ ចៀសវាង​បើក​ដំណើរការ​បានមួយរយៈ​ ហើយក៏​ស្រាប់តែ​ដួលរលំ​ទៅវិញ​ធ្វើឱ្យ​ខាតបង់​អស់​ដើម​អស់​ចុង​ប៉ះពាល់​ធ្ងន់ធ្ងរ​ដល់​ហិរញ្ញវត្ថុ​ក្រុមគ្រួសារ។

លោក​ឧកញ៉ា ចិត្រ សិរី​សុភ័ក្ត្រ អគ្គនាយក​ក្រុមហ៊ុន Luxury Smile Group ដែលមាន​បទពិសោធ​ដឹកនាំ​ក្រុមហ៊ុន​ផ្ទាល់ខ្លួន​ជោគជ័យ​នៅលើ​ទីផ្សារ​អស់​រយៈពេល​ជា​យូរ​ឆ្នាំ​មកហើយ​នោះបាន​មានប្រសាសន៍​ទទួលស្គាល់​ថា មាន​ក្រុមហ៊ុន​មិនតិច​ទេ​ដែល​បើក​ដំណើរការ​មួយរយៈ​ហើយ​ដួលរលំ​ទៅវិញ​នោះ ដោយសារតែ​សហគ្រិន​ទាំងនោះ​នៅមាន​វ័យក្មេង​ពេក ឬ​ខ្លះ​មាន​វ័យ​ចំណាស់​ដែរ ប៉ុន្តែ​មិនមាន​បទពិសោធ​គ្រប់គ្រាន់​ក្នុងការ​ដឹកនាំ​ក្រុមហ៊ុន ហើយ​ពិសេស​គឺ គ្មាន​ជំនាញ​ច្បាស់លាស់​ក្នុងការ​គ្រប់គ្រង​ស្ថាប័ន​ពីមុន ឬ​មិនបាន​ត្រៀមថវិកា​ហិរញ្ញវត្ថុ​បម្រុង​ទុក​សម្រាប់​ស្រោចស្រង់​ពេលដែល​ក្រុមហ៊ុន​ស្ថិតក្នុង​ស្ថានភាព​ធ្លាក់ចុះ​ណាមួយ​នៅលើ​ទីផ្សារ។

លោក​ឧកញ៉ា​បាន​បន្តថា ដើម្បីឱ្យ​របរ​ធ្វើ​ជំនួញ​បាន​ជោគជ័យ វិនិយោគិនថ្មីៗត្រូវ​គិតដល់​ចំណុចសំខាន់ៗចំនួន4 ដែល​ភាសា​អង់គ្លេស​ហៅថា​The 4’R ក្នុងនោះ​មានដូចជា1. Right Time មានន័យថា ការចាប់ផ្តើម​តាម​ពេលវេលា​សមរម្យ​ណាមួយ ឬ​ចាប់ផ្តើម​នៅពេលដែល​ឱកាស​ហុច​ឱ្យ។ 2. Right number ទាក់ទង​ទៅនឹង​ចំនួន​ថវិកា​របស់​យើង​ថា តើ​យើង​មាន​ធនធាន​ថវិកា​ផ្ទាល់ខ្លួន​សមល្មម​នឹង​បើក​អាជីវកម្ម​កម្រិតណា(ស្តួចស្តើង ឬ​មាន​ច្រើន) ហើយ​មាន​ទុនបម្រុង​ប៉ុន្មាន​ដើម្បី​ជួយ​ស្រោចស្រង់​ក្រុមហ៊ុន​នៅពេលដែល​ដំណើរការ​នៅលើ​ទីផ្សារ​ជូ​ប​ឧបសគ្គ​ដែល​អាច​រាំងស្ទះ​ដល់​ដំណើរការ​អាជីវកម្ម​ដែល​ត្រូវ​ដោះស្រាយ​បន្ទាន់។ 3.Right skill/ experience តើ​ការបើក​អាជីវកម្ម​ថ្មី​នោះ​ត្រូវ​នឹង​ជំនាញ​ដែល​យើង​មាន​ស្រាប់ ឬ​ត្រូវ​ទៅនឹង​បទពិសោធ​ដែល​យើង​បានធ្វើការ​ឱ្យគេ​កន្លងមក​ដែរឬទេ? ហើយ​ចាំបាច់​ត្រូវ​សួរ​ខ្លួនឯង​ថា ការធ្វើការ​ឱ្យគេ​កន្លងមក​មានបទពិសោធ និង​ចំណេះដឹង​ប៉ុនណា? ផ្តល់​ភាពជោគជ័យ​ឱ្យគេ​កម្រិតណា? ហើយ​ត្រូវ​ត្រៀម​បន្ថែម​ចំណេះដឹងថ្មីៗ បន្ថែម​ចំណេះដឹង​ផ្នែក​អ្វី​ខ្លះទៀត​ដើម្បីឱ្យ​ប្រាកដថា​អាជីវកម្ម​របស់ខ្លួន​នឹង​ដំណើរការ​ទៅមុខ ឈរជើង​រឹងមាំ​នៅលើ​ទីផ្សារ និង​ចំណុច​ទី4. Right Case/Decision ពេល​ដំបូង​វិនិយោគិន​ត្រូវ​ចេះ​សួរ​ខ្លួនឯង​ថា តើ​យើង​ស្ថិតនៅក្នុង​អាជីវកម្ម​កម្រិតណា? និង​ត្រូវធ្វើ​សេចក្តីសម្រេច​ណាមួយ​ឱ្យ​សមល្មម​ទៅនឹង​ធនធាន​ដែល​យើង​មាន ដើម្បីឱ្យ​ដំណើរការ​ទៅមុខ​បាន​ដោយ​រលូន​ជាជាង​ចាប់យក​ជំនួញ​ធំ​ពេក​លើសពី​ធនធាន​ដែល​យើង​មាន នាំឱ្យមាន​ភាពស្ទាក់ស្ទើរ​ក្នុង​ការធ្វើ​ជំនួញ​មិនបាន​សម្រេច​ដូច​ក្តី​សុបិន​របស់​យើង។

- Advertisement -

ធ្វើជា​អ្នកជំនួញ​ទៀតសោត មុននឹង​ចាប់ផ្តើម​រកស៊ី​ត្រូវ​សួរ​ខ្លួនឯង 3ចំណុច​បន្ថែម​ក្នុងនោះ មានទី1.ថា តើ​អាជីវកម្ម​របស់​យើង​មាន​អតិថិជន​ចង់ដឹង​ដែរឬទេ? 2.អតិថិជន​ចង់​ឮ​ដែរឬទេ? 3.ហើយ​អតិថិជន​ចង់​សាក​ដែ​ឬទេ? ដែល​កត្តា​ទាំង 3នេះ​ត្រូវ​ដើរ​អម​ទៅនឹង​ចំណុច​សំខាន់​ទាំង 4ខាងលើ គឺជា​ធាតុ​ផ្សំ​ដ៏​សំខាន់​ឆ្ពោះទៅរក​ភាពជោគជ័យ។ ដើម្បី​ដឹងថា ទំនិញ​ដែល​យើង​គ្រោង​ផលិត​មាន​តម្រូវការ​នៅលើ​ទីផ្សារ ឬ​មិនមាន​នោះ?យើង​ក៏​មិន​ចេះតែធ្វើ​ដោយ​ប្រថុយប្រថាន​នោះទេ ពោលគឺ​ត្រូវធ្វើការ​ស្រាវជ្រាវ​សិក្សា​នៅលើ​ទីផ្សារ​ឱ្យបាន​ច្បាស់លាស់​ជាមុនសិន។

ជាមួយគ្នានេះ យើង​ត្រូវ​យល់ថា បើ​យើង​មិនដឹង​ពី​គោលការណ៍​នៃ​ការរកស៊ី មិនដឹង​ពី​ការចាប់ផ្តើម មិនដឹង​ពី​ហានិភ័យ​នៃ​ការរកស៊ី​នោះ យើង​ប្រាកដជា​ជួប​បញ្ហា​មិន​ខាន​ ប៉ុន្តែ​បើ​យើង​មើលឃើញ​ពេលវេលា​ច្បាស់លាស់ ឧទាហរណ៍​ថា នៅក្នុង​ឆ្នាំ​ហ្នឹងមាន​វិស័យ​អ្វីដែល​រីកចម្រើន​ជាងគេ ដូច្នេះ​យើង​ចាប់ផ្តើម​រកស៊ី​វិស័យ​នោះ​ភ្លាម ទោះជា​ក្នុង​កម្រិត​ណាមួយ​ក៏បាន ដោយ​មើល​ទៅលើ​ទីផ្សារ​នូវ​អ្វីដែល​គេ​កំពុង​ខ្វះខាត ​ហើយ​គ្រាន់តែ​ប​ញ្ជ្រៀ​ត​ផលិតផល​យើង​ចូល​បន្ថែម​ដែល​គេ​ហៅថា​The Right Time នោះ​អាជីវកម្ម​យើង​នឹង​ដំណើរការ​ទៅមុខ​ជាមិនខាន។ ដើម្បីឱ្យ​ពេលវេលា​ក្លាយជា​ឱកាស​បាន លុះត្រាតែ​យើង​យក​ពេលវេលា​មក​ធ្វើជា​ឱកាស តែបើ​ឱ្យ​ពេលវេលា​បាត់បង់​ទៅវិញ នោះ​យើង​ប្រាកដជា​អស់​ឱកាស​មិន​ខាន។

- Advertisement -

លោក​ឧកញ៉ា​វ័យក្មេង​ខាងលើ​ក៏បានផ្តល់​បទពិសោធ​ផ្ទាល់ខ្លួន​ដែរ​ថា នៅពេល​លោក​ចេញ​រកស៊ី​ដំបូង​លោក​បានចាប់ផ្តើម​របរ​លក់​ផលិតផល​កែ​សម្ផស្ស​ស្ត្រី​ដែល​ធ្វើ​ការលក់​ និង​ចែកចា​យតាម​ប្រព័ន្ធ​អន​ឡាញ​ដែល​អំឡុង​ពេលនោះ គឺជា​ពេលវេលា​សមរម្យ ឱកាស​ហុច​ឱ្យ ខណៈដែល​ប្រជាជន​ខ្មែរ​ចាប់ផ្តើម​មាន​ទំនោរ​ប្រើប្រាស់​អុីន​ធើ​ណិ​ត​កាន់តែច្រើនឡើងៗពីមួយ​ឆ្នាំទៅ​មួយឆ្នាំ។ មកទល់​សព្វថ្ងៃ អាជីវកម្ម​នោះ​នៅតែ​ដំណើរការ​នៅលើ​ទីផ្សារ​ដដែល ហើយ​លោក​នៅតែ​ខិតខំ​ធ្វើ​បន្ត​ឱ្យ​កាន់តែ​រីកចម្រើន​ទៅមុខ​ជា​លំដាប់​ដូច​ពាក្យចាស់​លោក​ថា កុំ​ភ្លេច​ប្រភពដើម​របស់​យើង ឬ​កុំ​ភ្លេច​ដើមកំណើត​របស់​យើង​ហ្នឹងឯង។ ដោយសារ​អាជីវកម្ម​គ្រឿងសម្អាង​នេះហើយ ទើប​លោក​មានចំណេះដឹង​ក្នុងការ​រកស៊ី​ទៅលើ​របរ​រកស៊ី​លក់ទំនិញ​ខាងលើ​កាន់តែខ្លាំងឡើងៗ ហើយ​យល់ដឹង​ពី​ស្ត្រី​ដែលជា​អតិថិជន​​ប្រើ​ប្រាស់ផលិតផល​របស់​ក្រុមហ៊ុន​តែម្តង​ដែល​គេ​ប្រាប់​មក​យើង​វិញ​នូវ​អ្វីដែលពួកគេ​មាន​តម្រូវការ​ពិតប្រាកដ​នោះ។

លោក​ថា មុន​ទទួលជោគជ័យ​លើ​អាជីវ​កម្មនេះ លោក​បាន​ឆ្លងកាត់​ឧបសគ្គ​មិនតិច​ឡើយដែល​តម្រូវឱ្យ​លោក​យក​ពេលវេលា យកចំណេះ​ដឹង​ទៅ​ដោះស្រាយ ប៉ុន្តែ​ឧបសគ្គ​នេះ​បាន​ក្លាយជា​មេរៀន​សម្រាប់​ដក​ពិសោធ​ប្រឡូក​ក្នុង​វិស័យផ្សេងៗទៀត ដែល​មកទល់​បច្ចុប្បន្ន ក្រុមហ៊ុន​មាន​អាជីវកម្ម​លក់​គ្រឿងក្រអូប​ផង លក់​សម្លៀកបំពាក់​ផង លក់​រថយន្ត​ផង និង​អចលនទ្រព្យ​ផងដែរ។ ជោគជ័យ​របស់លោក​ក៏​មិនមែន​កើតឡើង​ដោយ​ចៃដន្យ​នោះដែរ ពេលណា​ជួប​បញ្ហា លោក​ត្រូវ​ចេះ​ដោះស្រាយ ហើយ​បន្តដំណើរ​ទៅមុខទៀត ពេល​ដោះ​បញ្ហា​បាន​កាន់តែច្រើន វា​នឹង​កាត់បន្ថយ​ហានិភ័យ និង​ការ​ក្ស័យ​ទុន​កាន់តែច្រើន។ ដោយសារ​មនុស្ស​ត្រូវ​ចេះ​គន្លឹះ​រកប្រាក់​ចំណេញ ហើយ​យើង​ត្រូវ​ចេះ​បត់បែន​តាម​កាលៈទេសៈ បើសិនជា​យើង​ចេះ​កែច្នៃ​យក​រឿងអាក្រក់​មក​ធ្វើជា​រឿង​ល្អ​បាន នោះ​ភាពជោគជ័យ​កាន់តែ​ឡើង​ខ្ពស់​ថែម​មួយកម្រិត​ទៀត។

- Advertisement -

កាន់តែ​សំខាន់​ជាងនេះទៀត​យើង​មិនគួរ​យក​ពេលវេលា​ទៅ​ប្រជែង​ជាមួយ​គេ​ពេក​ទេ​មាន​ពេលទំនេរ​ត្រូវ​មើល​ពី​ចំណុចខ្សោយ​របស់ខ្លួន ត្រូវ​សិក្សា​ពី​ចំណុច​ខ្វះខាត​របស់​យើង​ឱ្យបាន។ ទុក​ពេលវេលា​គិតពិចារណា​ស្វែងរក​ឱកាស​វាយលុក​លើ​ទីផ្សារ ធ្វើការ​ប្រកួតប្រជែង​ត្រូវ​ប្រើ​យុទ្ធសាស្ត្រ​ជាជាង​ប្រកួតប្រជែង​ដោយ​ប្រើ​កម្លាំង។ យុទ្ធសាស្ត្រ​ទីផ្សារការនិយាយ​ងាយស្រួល​ទេ ប៉ុន្តែ​ការអនុវត្ត​ឆ្ពោះទៅរក​ភាពជោគជ័យ​មិនមែនជា​រឿង​ងាយស្រួល​ឡើយ។

លើសពីនេះ ភាពជោគជ័យ​ក៏​មិនមែន​អាចធ្វើ​តែម្នាក់ឯង​បានដែរ បើ​យើង​មាន​បុគ្គលិក​ល្អ ហើយ​មាន​បុគ្គលិក​ជំនាញ​ពូកែ នោះ​គឺជា​សំណាង​យើង​ហើយ តែ​ធ្វើយ៉ាងណា​ត្រូវមាន​ការរៀបចំ​បណ្តុះបណ្តាល​បំពាក់បំប៉ន​ជំនាញ​បន្ថែម ដែល​នេះ​ជា​ទុន​ដ៏​សំខាន់​មួយ​ហើយ​ទុន​ដែល​សំខាន់​មួយទៀត គឺ​ពង្រឹង​ចំណេះ និង​ជំនាញ​ខ្លួនឯង ត្រូវ​ចេះ​វិនិយោគ​ទៅលើ​ខ្លួនឯង បើ​យើង​មិនចេះ​វិនិយោគ​លើ​ខ្លួនឯង​ទេ យើង​ក៏​មិនអាច​វិនិយោគ​ទៅលើ​អ្វី​បានដែរ។ ជួនកាល​យើង​គ្មាន​ថវិកា​រកស៊ី​ទេ តែ​យើង​ចេះ​បង្កើត​របរ​រកស៊ី​មួយ​ដោយ​គ្រាន់តែ​ធ្វើ​ផែនការ​ប្រកបដោយ​ទំនុកចិត្ត​ខ្ពស់​ទៅដល់​ដៃគូ ដាក់ឱ្យ​ដៃគូ​ពិនិត្យ ជួនកាល​គេ​អាច​បោះទុន​ឱ្យ​យើង​រកស៊ី ឬ​ចាប់​ដៃគូ​ភាគហ៊ុន​ជាមួយ​យើង ក៏​អាច​ថា​បាន​ដែល​នេះ​គឺជា​ទុន​ផ្ទាល់ខ្លួន​ដែល​យើង​មាន៕

- Advertisement -
spot_img

អត្ថបទពេញនិយម

អាការ​តាំង​គភ៌ថ្មីៗ និង14សញ្ញា​បញ្ជាក់ថាអ្នក​កំពុង​ជិត​ក្លាយជា​ម្តាយ​គេ​ហើយ

សម្រាប់​អាការ​របស់​អ្នក​តាំង​គភ៌​រយៈដំបូងៗ តើ​យើង​នឹង​ដឹង​យ៉ាងណា​បាន​ថា កំពុងតែ​មានគភ៌​ឬក៏​អត់? ព្រោះ​ក្នុង​រយៈ​ពេល​1សប្តាហ៍​ដំបូង អាច​និយាយបានថា ជា​អំឡុង​ពេលដែល​មិនសូវ​បង្ហាញ​អាការ​ប៉ុន្មាន​ឡើយ ហើយ​បើ​អីុចឹង តើនារីៗយើង​នឹង​ដឹង ហើយ​ប្រាកដ​ក្នុង​ចិត្ត​យ៉ាងណា​បាន​ទៅ​ថា...

អាការ9យ៉ាង​នៃ​អ្នក​ចាប់ផ្តើម​មាន​ផ្ទៃពោះ ដែលនារីៗទាំងឡាយ​គួរ​ដឹង

សញ្ញា​នៃ​ការតាំង​គភ៌​មិន​មែនមាន​ត្រឹមតែ​ការ​ក្អួតចង្អោរ​ប៉ុណ្ណោះ​ទេ ព្រោះ​អាការ​របស់​អ្នកមាន​ផ្ទៃពោះ​ក្នុង​រយៈ​ដំបូង​អាច​មិន​ដូចគ្នា​ទាំងអស់​នោះទេ អ្នកខ្លះ​ចាញ់​ខ្លាំង ឬ​អ្នកខ្លះ​សឹងតែ​គ្មាន​អាការ​ចាញ់កូន​សោះ​ក៏មាន ឯ​អ្នក​ខ្លះទៀត​កើត​អាការប្លែកៗដែល​ធ្វើឱ្យ​យល់ច្រឡំ​ថា ជា​អាការ​ជំងឺ​អ្វីមួយ​ទៅវិញ ដូច្នេះ​នៅពេលនេះ ឡា​រ៉ែ​ន សូម​រួបរួម​អាការ​របស់​អ្នកមាន​ផ្ទៃពោះ​ក្នុងលក្ខណៈផ្សេងៗមក​ជម្រាប​ជូនជ្រាប...

ត្រូវតែដឹង… អាការឈឺពោះផ្នែកខាងស្ដាំបញ្ជាក់ប្រាប់ពីជំងឺអ្វីខ្លះ?

នរ​ណាៗ​ក៏​ដឹង​ដែរ​ថា​ អាការ​ឈឺពោះ​នេះ​ នៅពេល​ដែល​វា​កើតឡើង​ហើយ​ តែងតែ​សាង​នូវ​ក្ដី​លំបាក​ដល់​រាងកាយ​របស់​យើង​ខ្លាំង​ណាស់​ មិនថា​តែ​ឈឺពោះ​ផ្នែក​ខាងឆ្វេង​ ឬផ្នែក​ខាងស្ដាំ​ឡើយ​។ បើសិនជា​អាការ​ឈឺ​ក្នុង​លក្ខណៈ​នោះ​កើតឡើង​ចំពោះ​យើង​ញឹកញាប់​ នោះ​វា​អាច​ជា​សញ្ញា​មួយ​ដែល​ប្រាប់​ឱ្យ​យើង​ដឹង​អំពី​បញ្ហា​សុខភាព​ដែល​កំពុង​ជិត​មកដល់​ ដូច្នេះ​សូម​ឱ្យ​នឹក​ឃើញ​ជាប់​ជានិច្ច​ថា​...

វិធីពន្លឿនការមករដូវប្រចាំខែ ឱ្យធ្លាក់លឿនជាងមុន មិនមានគ្រោះថ្នាក់ និងទទួលបានផលល្អ

ការមករដូវ គឺជារឿងធម្មតាសម្រាប់ស្ត្រី ប៉ុន្តែស្ត្រីមួយចំនួនអាចមានបញ្ហាមករដូវមិនប្រក្រតី ហើយមានស្ត្រីខ្លះឆាប់មករដូវ ខ្លះទៀតបាត់រដូវ រដូវមកមិនទៀងទាត់ ឬមករដូវយឺតជាដើម។ ស្ត្រីខ្លះអាចរាំងរដូវរហូតដល់គិតថា អ្នកមានផ្ទៃពោះម្តងទៀត...

ឈឺពោះខាងស្តាំ… អាការឈឺនេះបញ្ជាក់ពីជំងឺអ្វីបានខ្លះ?

ឈឺពោះខាងស្តាំញឹកញាប់ រហូតចាប់ផ្តើមនឹកចម្លែកចិត្តចំពោះខ្លួនឯង ថាអេះ៎? អាការឈឺពោះខាងស្តាំនេះកំពុងតែប្រាប់ពី ហេតុអ្វីម្យ៉ាងនៅក្នុងរាងកាយឱ្យយើងដឹងទេដឹង?។ អាការឈឺពោះខាងស្តាំ មិនថាតែផ្នែកខាងលើ ខាងក្រោម ឬឈឺពោះម្តុំក្រោមឆ្អឹងជំនីនោះឡើយ គ្រប់អាការឈឺពោះដែលកើតឡើងសុទ្ធតែមានដើមកំណើតរបស់វាទាំងអស់...

បច្ចេកវិទ្យាបូម FOX ដ៏អស្ចារ្យនៅលើរថយន្ត Ford Ranger Raptor ដែលអ្នកប្រើប្រាស់ភាគច្រើនមិនបានដឹង!

កំពូលរថយន្ត Ford Ranger Raptor គឺមានសមត្ថភាពខ្លាំងក្នុងការបើកបរលើផ្លូវឧបសគ្គដែលអាចពុះពារគ្រប់ឧបសគ្គទាំងអស់ដែលបានឆ្លងកាត់ ដោយសារតែម៉ាស៊ីនសាំង 3.0L Twin-Turbo V6...

អាចម៍ផ្កាយដែលទើបតែធ្លាក់បុកផែនដីថ្មីៗនេះ មាន​រង្វិល​ខ្ញាល់​លឿន​បំផុត

2024 BX1 ​ដែលទើប​តែ​បាន​ធ្លាក់​មក​បុក​នឹង​ផែន​ដី​កាល​ពី​ថ្ងៃទី 21 មករា គឺ​ជា​​អាចម៍​ផ្កាយ​ដែល​ធ្វើដំណើរ​ក្នុង​ល្បឿន​​លឿន​ជាង​វត្ថុអវកាស​ទាំង​ឡាយ​ដែល​ស្ថិត​នៅ​ក្បែរ​ផែនដី​។ អាចម៍​ផ្កាយ ​2024 BX1 ប្រែក្លាយ​ជា​ដុំ​ភ្លើង​...

មនុស្ស​ហោះដល់ភពអង្គារ​ក្នុងរយៈ​ពេល​ខ្លីជាង​បច្ចុប្បន្ន ពេល​ប្រើ​បច្ចេកវិទ្យា​ថ្មី​នេះ

បច្ចេកវិទ្យា​រ៉ុក្កែតនុយក្លេអែរ​មួយ​ប្រភេទ​ដែល​ហៅ​ថា Pulsed Plasma Rocket (PPR) អនុញ្ញាត​ឱ្យ​យាន​អវកាស​ហោះ​ដល់​ភព​អង្គារ​ដោយ​ប្រើ​ពេល​តែ​ពីរ​ខែ​ ខណៈ​ដែល​បច្ចុប្បន្ន​គេ​ត្រូវ​ចំណាយ​ពេល​ប្រហែល​ 9​​ខែ។ កាល​ពី​ថ្ងៃទី 1...

Ford Ranger ទទួលចំណាត់ថ្នាក់ផ្កាយ៥ ជារថយន្តមានសុវត្ថិភាពបំផុត!

កន្លងទៅថ្មីៗនេះ រថយន្ត Next-Generation Ford Ranger ត្រូវបានផ្លាស់ប្តូររូបរាងថ្មី និងកំណែទម្រង់ថ្មីទាំង​ស្រុងដែលមានភាពហាប់ណែន រឹងមាំជាមុន និងរួមទាំងបូក​បញ្ជូល​​​នូវ​ប្រព័ន្ធសុវត្ថិភាពទំនើបៗជាច្រើន​ទៀត...

ថៃប្ដូរ​យុទ្ធសាស្ត្រ​ទាក់ទាញ​ទេសចរ​ ព្រោះ​តែ​អាកាសធាតុ

អគ្គនាយកដ្ឋាន​ទេសចរណ៍​ថៃ (TAT) កំពុង​តែ​ត្រៀម​ខ្លួន​ដើម្បី​ជំរុញ លើក​ទឹក​ចិត្ត​ដល់​ក្រុម​ទេសចរណ៍​ព្រឹក​ព្រលឹម និង​ព្រលប់ ក្នុង​បំណង​រក្សា​លំនឹង​ក្នុង​ទីផ្សារ​ទេសចរណ៍​ គ្រា​ដែល​អាកាសធាតុ​ក្ដៅ​ខ្លាំង​ ធ្វើ​ឱ្យ​មនុស្ស​ម្នា​មិន​ចង់ចេញ​ទៅ​ក្រៅ​។ ​លោក​ស្រី Somradee...

ក្រុមហ៊ុន Virtus Solis មានគម្រោងផលិតអគ្គិសនីព្រះអាទិត្យក្នុងទីអវកាស

ក្រុមហ៊ុន Virtus Solis គ្រោងនឹងប្រើប្រាស់រ៉ុក្កែត Starship ដើម្បីបាញ់បង្ហោះផ្ទាំងសូឡាទំហំមួយគីឡូម៉ែត្រ ឡើងទៅកាន់ទីអវកាស ដើម្បីផលិត និងបាញ់បញ្ជូនអគ្គិសនីពីលើមេឃមកកាន់ផែនដី។ Virtus...

ហេតុអ្វីអាកាសធាតុកាន់តែក្ដៅឡើងៗ?

ក្នុង​រង្វង់​ 100​ឆ្នាំ​កន្លង​ទៅ​នេះ​ ការ​កើន​ឡើង​កម្ដៅ​របស់​ផែនដី​កាន់​តែ​បង្ហាញ​ច្បាស់​ឡើង​ៗ​ ធ្វើ​ឱ្យ​អ្នក​វិទ្យាសាស្ត្រ​មាន​ការ​ព្រួយបារម្ភ។ ក្នុង​អនាគត​ កម្ដៅ​ផែនដី​ក៏​នឹង​កើន​ឡើង​បន្ត​ទៀត​ ហើយ​បន្សល់​ទុក​នូវ​ផល​វិបាក​យ៉ាង​ធ្ងន់​ធ្ងរ​។ ដូច្នេះ​តើ​បាតុភូត​ផែនដី​ឡើង​កម្ដៅ​កើត​ឡើង​ដោយ​សារ​កត្តា​អ្វី​ខ្លះ​? ការ​ឡើង​កម្ដៅ​ផែនដី​​បង្ក​ផល​វិបាក​អ្វី​ខ្លះ​?...

អត្ថបទស្រដៀងគ្នា

- Advertisement -spot_img