នៅពេលថ្មីៗនេះឱ្យដឹងថា ក្នុងបណ្ដាញទំនាក់ទំនងសង្គម Twitter និង Instagram ជាពិសេសនៅលើគណនីផ្ទាល់របស់កំពូលតារាចម្រៀងស្រីនាង CL និងផលិតកម្ម YG តែម្តង កំពុងពុះកញ្ច្រោលយ៉ាងខ្លះ ខណះខាងក្រុម GZB ទាមទារឱ្យ YG ដោះលែង CL មិនត្រឹមតែហ្វេនបរទេសទេ សូម្បីទាំង ហ្វេននៅកូរ៉េ ក៏កំពុងបាតុកម្មទាមទារមិនសុខចិត្តនឹងទង្វើ YG ដែលពួកគេនាំគ្នាបង្ហោះថា “#FREECL” ដើម្បីឱ្យ YG ចេញមុខដោះស្រាយ និងដោះលែងចេញពីគំនាប ហាមឃាត់សិទ្ធបុគ្គលក្នុងសិល្បះទាំងមូល។
គួរបញ្ជាក់ផងដែរថា ប្រភពពីអ្នកគាំទ្ររបស់ 2NE1 បានឱ្យដឹងថា ផលិតកម្ម SB Project ដែលជាផលិតកម្មនៅអាមេរិកធ្លាប់ចាប់ដៃជាមួយតារាស្រីរូបនេះ បានប្រកែកថា នាងមិនបាននៅក្នុងផលិតកម្មនោះទៀតទ្បើយ ព្រោះពួកគេមិនអាចសម្រេចចិត្តលើការងារនាងបាន ដោយសារនាងនៅក្នុង YG Entertainment និងមានការរឹតបន្ដឹងចំពោះតារាស្រីរូបនេះ។ ដូចនេះហើយអាល់ប៊ុមចម្រៀងបរទេសរបស់CL មិនអាចចេញលក់បាននោះទេ បើគ្មានការអនុញាតពី YG។ យ៉ាងណាមិញ អ្នកគាំទ្ររបស់ CL នៅតែបន្ដទទូចឱ្យខាងផលិតកម្ម YG Entertainment ដោះលែងតារាស្រីរូបនេះ និងកុំបន្ដធ្វើបាបផ្លូវចិត្តរបស់នាងអី៕
