ថ្មីៗនេះ នៅលើបណ្ដាញសង្គមហ្វេសប៊ុក ត្រូវបានគេមើលឃើញថា ជម្លោះពាក្យសម្ដីជុំវិញបញ្ហាវប្បធម៌កាន់តែមានសភាពតានតឹងរវាងអ្នកគាំទ្រវប្បធម៌ជាតិ និងវប្បធម៌ប្រទេសជិតខាងបានកើតមានឡើង ជាពិសេសលើប្រធានបទ Miss Grand Cambodia តែម្ដង។ មួយវិញទៀត តារាសម្ដែង កញ្ញា ណាតាហ្សា ដែលជាកូនកាត់ចាម និងជាតួឯករឿង«កំណត់ហេតុនាងនាថ»ឯណេះវិញ ក៏រងការវាយប្រហារណាស់ដែរ ដោយសារតែអ្នកលេងហ្វេសប៊ុកយល់ថា ឈុតនាងបានគ្រងនោះជាឈុតចម្លងមកពីថៃ។
ខណៈដែលអ្នកលេងហ្វេសប៊ុកច្រើនឡើងព្រួតគ្នាជេរប្រទិចដាក់នាង លោក ម៉ៃ សុគន្ធ ដែលត្រូវចាត់ទុកថាតារាកំពូលទើសបានចេញមុខការពារ។ ម៉ៃ សុគន្ធ បានបង្ហោះរូប2សន្លឹកប្រៀបធៀបរវាងឈុតរបស់តារាសម្ដែង កញ្ញាណាតាហ្សា និងឈុតរបស់ខ្មែរកាលពីសម័យបុរាណ ដោយលោកក៏បានគូសវាសពីចំណុចស្រដៀងគ្នា ដើម្បីបញ្ជាក់ថាឈុតដែលតារាសម្ដែងរូបនេះបានបង្ហោះ មិនមែនជាឈុតរបស់ថៃដូចការយល់ច្រលំ។
គួរបញ្ជាក់ថា តារាកំពូលទើសរូបនេះ បានចេញមុខការពារណាតាហ្សាថា«ឈុតនេះជារបស់ខ្មែរពិតៗ តែសៀមវាចំលងយើងហើយវាថារបស់វា រួមទាំងបងប្អូនមួយចំនួនគិតថាខ្មែរសម័យឥឡូវលួចសៀមសមមេត្តាកុំភាន់ច្រឡំទៀត!»។ ការលើកឡើងរបស់លោក បានធ្វើឱ្យអ្នកជេរប្រទិចកញ្ញា ណាតាហ្សា ភ្ញាក់ខ្លួនក្រញាង ជាពិសសក្នុងពេលដែលលោកម៉ៃ សុគន្ធ ក៏បានបង្ហាញភស្ដុតាងធ្វើឱ្យមានការវិភាគគ្រប់ជ្រុងជ្រោយថាមួយឈុតរបស់តារាណាហ្សា ពិតជាឈុតរបស់ខ្មែរ កាលពីជំនាន់ដើម។
គ្រប់គ្នាលាន់មាត់និយាយថា ប្រសិនបើលោកម៉ៃ សុគន្ធ បង្វែរពីការទើស និងជេរគ្នាឯង ហើយងាកមកការពារទម្រង់វប្បធម៌ ដើម្បីលើកកម្ពស់សិល្បៈក្នុងស្រុកបែបនេះ បានច្រើននោះលោកពិតជាត្រូវបានមហាជនទទួលបានការសរសើរកាន់តែច្រើនជាក់ជាមិនខាននោះទេ៕
