បន្ទាប់ពីមានការស្នើសុំរបស់ លោក គុជស៊ាក់ សិរីវត្ថានា ជាអាជ្ញាធរ ឃុំកំពង់ភ្លុក ស្រុកប្រាសាទបាគង ខេត្តសៀមរាប ទៅកាន់ផលិតកម្មថោន ឱ្យបញ្ជាក់ចំពោះរឿងសាកសពសិប្បនិមិត្តដែលត្រូវបានគេយកទៅចងព្យួរជាប់នឹងដើមឈើ ដែលមហាជនមានការភ្ញាក់ផ្អើល ក៏ដូចជាតក់ស្លុត និងភ័យខ្លាចយ៉ាងខ្លាំង ខណៈនេះខាងផលិតកម្មបានចេញសេចក្ដីបញ្ជាក់ និងប្រកាសថា នោះគ្រាន់តែជាការសម្ដែងភាពយន្ដតែប៉ុណ្ណោះ ។
ផលិតកម្មទីក្រុងភាពយន្ដ ថោន បានធ្វើសេចក្ដីប្រកាស និងអំពាវនាវដល់សាធារណជនទាំងអស់ កុំឱ្យមានការយល់ច្រឡំ និងមានការភ័យខ្លាចអ្វីទាំងអស់ ហើយក្រុមការងារ ក៏បានយកសាកសពសិប្បនិមិត្តទាំងនោះ មករក្សាទុកវិញអស់ហើយ បន្ទាប់ពីបានថប់ចប់សព្វគ្រប់។
ដើម្បីឱ្យកាន់តែជាក់ច្បាស់ សូមអានសាររបស់ ផលិតកម្មថោន ខាងក្រោមនេះ ៖
