ទោះជាមិនបាននិយាយប្រាប់ក៏អ្នកបានដឹង និងអនុវត្តរួចទៅហើយ ព្រោះតែវាជាសភាវគតិរបស់មនុស្សទៅហើយ។ ប៉ុន្តែអ្វីដែលចង់បង្ហាញនៅពេលនេះគឺ វិធីសាស្រ្តក្នុងការរឹតបន្តឹងចំណងមេត្រីភាពរវាងប្ដី-ប្រពន្ធថ្មោងថ្មី ដែលទើបតែរៀបអាពាហ៍ពិពាហ៍រួចឱ្យកាន់តែមានភាពផ្អែមល្ហែមទ្វេដងលើសពីការរំពឹងជាមួយនឹងសកម្មភាពលើគ្រែ។ តើអ្នកដឹងទេថា សិច មានឥទ្ធិពលយ៉ាងណាក្នុងជីវិតរបស់អ្នក? បើចង់ជ្រាបច្បាស់សូមតាមដាននូវកម្រងអត្ថបទនៅខាងក្រោមនេះដូចតទៅ…..។
បង្កើនភាពស្និទ្ធស្នាល : ការរួមភេទពិតជាមានឥទ្ធិពលយ៉ាងអស្ចារ្យ ដែលអាចធ្វើឱ្យដៃគូស្នេហាមានភាពស្និទ្ធស្នាលទាំងផ្លូវកាយ និងផ្លូវចិត្តយ៉ាងពេញទំហឹង។ មានគូស្នេហ៍ជាច្រើនបានបង្ហាញថា ឱកាសនៃការទទួលបានសេចក្ដីសុខ សុភមង្គលមានកាន់តែច្រើន ជាមួយនឹងទំនាក់ទំនងស្នេហារវាងប្ដីប្រពន្ធ ដ្បិត សិច ឬការរួមភេទនេះគឺជាផ្នែកមួយយ៉ាងសំខាន់បំផុត និងមិនអាចចៀសវាងបាន។ ម៉្យាងទៀត ភាពស្និទ្ធស្នាលមួយនេះក៏ជាលក្ខខណ្ឌពិសេសមួយដែលអ្នកត្រូវតែបង្កើតជាមួយនឹងដៃគូជីវិត ឬគូស្នេហ៍ដោយខានមិនបាន។
ធ្វើឱ្យមានសេចក្ដីសុខកាន់តែខ្លាំង : មនុស្សជាច្រើនតែងគិតថា ភាពរីករាយដោយការរួមភេទគឺជាសកម្មភាពដែលអាចរក្សារូបសម្រស់ និងធ្វើឱ្យរាងកាយនៅតែមានសភាពក្មេងជាងវ័យ។ ទាក់ទងទៅនឹងជីវិតសិចនេះ មានការស្រាវជ្រាវមួយដែលធ្វើឡើងដោយសាកលវិទ្យាល័យ Colorado-Boulder បានរកឃើញថាសេចក្ដីសុខមានការកើនឡើងប្រមាណ44% សម្រាប់អ្នកដែលបានរួមភេទ1ដងក្នុង1សប្ដាហ៍បើប្រៀធៀបទៅនឹងអ្នកមិនបានរួមភេទ។ ដោយឡែក សម្រាប់អ្នកដែលបានរួមភេទចំនួន2-3ដងក្នុង1សប្ដាហ៍អាចទទួលបានសេចក្ដីសុខប្រមាណ55%។ ដូច្នេះអ្នកអប់រំខាងផ្លូវភេទបានចោទជាសំណួរថា តើការរួមភេទអាចមានតុល្យភាពដែរឬទេ ហើយអាចធ្វើឱ្យអ្នកមានអារម្មណ៍យ៉ាងដូចម្ដេចក្រោយពេលអនុវត្តសិចជាមួយដៃគូ? សរុបមក សិច នៅតែជាចំណុចសំខាន់ដែលអ្នកគួរតែចំណាយពេលអនុវត្ត ដើម្បីទទួលបានភាពល្អប្រសើរទាំងនេះ។
មានសុខភាពល្អ : ការរួមភេទ គឺជាសកម្មភាពមួយដែលត្រូវបានអ្នកជំនាញចាត់ទុកថាជាការធ្វើលំហាត់ប្រាណដ៏ប្រសើរ និងធ្វើឱ្យមានអារម្មណ៍ស្ងប់ គេងលក់ស្រួល កាត់បន្ថយភាពតានតឹង បំបាត់ស្ត្រេស ជាពិសេសសម្រាប់អ្នកដែលមានទម្លាប់អនុវត្តសិចចំនួន2-3ដងក្នុង1សប្ដាហ៍ អាចធ្វើឱ្យប្រព័ន្ធភាពស៊ាំមានភាពល្អប្រសើរ និងចៀសផុតពីភាពប្រឈមជាមួយជំងឺផ្តាសាយ។
ធ្វើឱ្យជីវិតរីករាយ : សម្រាប់ការលេងសើចមិនថាជាការនិយាយស្ដី ឬកាយវិការណាមួយនោះឡើយ អ្នកពិតជាអាចភ្លេចទៅតាមការរំលងផុតទៅនៃពេលវេលា។ ប៉ុន្តែចំពោះសកម្មភាពសិចវិញគេជឿជាក់ថា គ្មានអ្នកណាដែលអាចបំភ្លេចចោលនូវអនុស្សាវរីយ៍ដ៏ផ្អែមល្ហែម និងសុខស្រួលបានឡើយ។ ដូច្នេះ ចូរអ្នកចងចាំហើយចាប់ផ្តើមពីការលួងលោមដោយពាក្យសម្ដីផ្អែមល្ហែម បន្ថែមដោយសកម្មភាពបបោសអង្អែលថ្នមៗរហូតឈានដល់ការស្វែងរកចំណុចពិសេស ដែលអាចផ្តល់ភាពសុខស្រួលនៃជីវិតសិចរបស់អ្នក៕
