មួយរយៈចុងក្រោយនេះ អ្នកលេងបណ្ដាញសង្គមហ្វេសប៊ុកបានស្គាល់ប្អូនប្រុស ធឿន បុរី និងបានឱ្យរហស្សនាមថាជា កែវ សារ៉ាត់ ទី2 ដោយសារតែប្អូនប្រុសមានទឹកដមសំឡេងពិរោះ និងនិយមបកស្រាយបទចម្រៀងរបស់តារាចម្រៀងជើងចាស់លោកពូ កែវ សារ៉ាត់។
ហើយកាលពីពេលថ្មីៗនេះ តារាចម្រៀង ជុំ លីណូ បាននិយាយសរសើរចេញពីចិត្តចំពោះសមត្ថភាពរបស់កុមារា ធឿន បុរី នៅពេលដែលប្អូនបកស្រាយបទចម្រៀង «ផ្កាអី ឫ គន់មើលក្នុងសួន» ដោយលោក ជុំ លីណូ បានសរសេរថា «នេះបានគេហៅថា សមត្ថភាពពិតៗ។ មិនមែនតែៗស្ករៗទេ»។ គួរបញ្ជាក់ផងដែរថា ប្អូនប្រុស ធឿន បុរី ទើបតែមានវ័យ 11ឆ្នាំ តែប៉ុណ្ណោះ តែមានទេពកោសល្យសិល្បៈដូចជាតារាចម្រៀងអាជីពរាប់ឆ្នាំហើយអីចឺងដែរ។ មិនតែប៉ុណ្ណោះកុមារារូបនេះ ត្រូវបានស្ថានីយទូរទស្សន៍ និងអ្នករៀបចំកម្មវិធីផ្សេងៗអញ្ជើញប្អូនឱ្យចូលរួមបកស្រាយបទចម្រៀង និងសម្ដែងរឿងខ្លីៗផងដែរ។
ចង់ដឹងថា សមត្ថភាពប្អូនប្រុសរូបនេះបកស្រាយចម្រៀងបានពីរោះរណ្ដំដល់កម្រិតណានោះ សូមអញ្ជើញទស្សនាវីដេអូខាងក្រោមនេះ៖
