កីឡាការិនីវាយកូនបាល់ចំណាត់ថ្នាក់លេខ2 ក្នុងពិភពលោក Caroline Wozniacki និងកីឡាការិនី Angelique Kerber ដែលជាម្ចាស់ជើងឯក Wimbledon សុទ្ធសឹងបានធ្លាក់ចេញយ៉ាងមិននឹកស្មានដល់ក្នុងព្រឹត្តិការណ៍ Wuhan Open ក្នុងប្រទេសចិន កាលពីថ្ងៃពុធ ក្រោយពីកីឡាការិនីទាំង2 សុទ្ធតែចាញ់ក្រោមស្នាដៃគូប្រកួតដែលមានសមត្ថភាពទាបជាងទាំងអស់។
ម្ចាស់ជើងឯកអូឡាំពិក Monica Puig បានផ្តល់កាដូដ៏ធំមួយដល់ខ្លួនឯងនៅថ្ងៃខួបកំណើតរបស់នាង តាមរយៈការផ្តួល Wozniacki ក្នុងលទ្ធផល 7-6 (12-10) និង 7-5 ដើម្បីឈានទៅវគ្គ1/4ផ្តាច់ព្រ័ត្រ។ កីឡាការិនីរូបនេះ ត្រូវបានចូលរួមក្នុងវគ្គ 8នាក់ចុងក្រោយ ដោយកីឡាការិនី Ashleigh Barty បានផ្តួលកីឡាការិនីមានចំណាត់ថ្នាក់លេខ3 ក្នុងពិភពលោក Kerber ក្នុងលទ្ធផល 7-5 និង6-1។ Puig ដែលមានចំណាត់ថ្នាក់លេខ51 ក្នុងពិភពលោក បានក្លាយជាគូប្រកួតដ៏ស័ក្តិសមសម្រាប់ Wozniacki ដែលបានបាត់បង់ឱកាសក្នុងការកាត់បន្ថយគម្លាតពីចំណាត់ថ្នាក់លេខ1 ក្រោយពីកីឡាការិនីលេខ1 ក្នុងពិភពលោក Simona Halep បានធ្លាក់ចេញកាលពីថ្ងៃចន្ទ។ Wozniacki បានចាប់ផ្តើមយ៉ាងល្អក្នុងការប្រកួតនេះ តាមរយៈការយកឈ្នះការប្រកួតដណ្តើមយក 3ពិន្ទុដំបូង ប៉ុន្តែ កីឡាការិនីព័រតូរីកូ Puig បានធ្វើការវាយបកវិញយ៉ាងឆាប់រហ័ស ដើម្បីឈ្នះការប្រកួតទាំង 2សិតយ៉ាងស្វិតស្វាញ។
បច្ចុប្បន្ន Puig នឹងត្រូវប៉ះជាមួយនឹងកីឡាការិនីចិន Wang Qiang ដែលបានទម្លាក់កីឡាការិនីអូស្ត្រាលី Daria Gavrilova ក្នុងលទ្ធផល 7-5 និង6-2 ដើម្បីផ្តល់ការរីករាយដល់អ្នកគាំទ្រម្ចាស់ផ្ទះ៕
ប្រភពពី៖ Channel News Asia
