កាលពីពេលកន្លងទៅ មានមន្រ្តីក្រសួងវប្បធម៌ និងវិចិត្រសិល្បៈមួយរូបបានអះអាងថា ក្រសួងនឹងចាត់វិធានការទៅលើអតីតតារាសម្ដែងអ្នកនាង ស្រីម៉ុច ពីការស្លៀកពាក់សិចស៊ីហួសហេតុ ដោយការកោះហៅមកប្រជុំដាក់ពិន័យ ឬវិធានការផ្សេងៗ តែយ៉ាងណាក៏ដោយ តាំងពីពេលទទួលបានព័ត៌មាននេះមក គេសង្កេតឃើញថា ស្រីម៉ុច នៅតែបន្តស្លៀកសិចស៊ីដដែល និងពេលខ្លះលើសដើមទៀតផង ដែលហាក់ដូចជាមិនញញើតនឹងវិធានការរបស់ក្រសួង និងការរិះគន់ពីមហាជនឡើយ ហើយនាងតែងតែអះអាងថា នាងបានឈប់ពីសិល្បៈអស់រយៈពេលជាង 10ឆ្នាំទៅហើយ។
ដោយឡែកប៉ុន្មានម៉ោងមុននេះបន្ដិច អតីតតារាសម្តែង អ្នកនាង សាវ៉ាត សុវណ្ណី ហៅស្រីម៉ុច បានបង្ហោះសារជាមួយនឹងលិខិតស្នើសុំការបញ្ជាក់ទៅកាន់ក្រសួងវប្បធម៌ និងវិចិត្រសិល្បៈ ដែលបានបង្ហោះជាសាធារណៈឱ្យមហាជនបានឃើញនៅលើគណនីហ្វេសប៊ុករបស់ខ្លួន ដោយបានឱ្យដឹងថា «អរគុណគ្រប់គ្នាដែលបានជួយជ្រោមជ្រែងឱ្យអូនល្បីមកវិញ។ ពីមុនដែលមានបញ្ហាតម្លៃខ្លួនអូនមិនសូវថ្លៃប៉ុន្មានទេ ហើយក៏មិនសូវមានអ្នកចាប់អារម្មណ៍អីដែរ ព្រោះការពិត បាត់មុខមកជាយូរហើយ។ ប៉ុន្តែបន្ទាប់ពីមានរឿងហ្នឹងហើយ តម្លៃខ្លួនអូនឡើងស្រឺតៗតែម្ដង ហើយមានអ្នកទាក់ទងការងារជាច្រើន តែដោយហេតុថា គ្មានពេលសម្រាប់ការងារទាំងនោះគ្រប់គ្រាន់ អ៊ីចឹងនៅធ្វើមេផ្ទះដដែល អូននៅចាំបានថា មានអ្នកនិយាយថា អូនធ្វើអ៊ីចឹងដឹងតែល្បីហើយ ចាំយករង្វាន់ឱ្យអូន។ តែប្ដីអូនប្រាប់ថា មិនឱ្យយករបស់ប្ដីអ្នកដទៃទេ វាមិនសមរម្យក្នុងការយករបស់ប្ដីអ្នកដទៃ»។
នាងបានបន្ដទៀតថា « ហ៊ឺម៍ កុំថាឡើយអូនចង់បាន គ្រាន់តែឃើញមុខ ហើយក៏មិនដឹងថា មានលុយទិញឱ្យអូនអត់ផងទេ ឮថាមានជុំខ្លួន។ ជម្រាបណា និយាយជាទូទៅចំពោះអ្នកដែលជេរខ្ញុំ អ្នកណាខ្លះដែលថាឱ្យខ្ញុំ អ្នកតែស្ករ កុំចូលចិត្តដៀលគេពេក ហាម៉ាត់ឡើង សុទ្ធតែគេហ្នឹងបំផ្លាញវប្បធម៌ជាតិ មើលម្ដុំៗឯងហ្នឹងឱ្យបានល្អទៅ កុំឱ្យមានក្លិន ចាំមកកាត់ក្ដីថាឱ្យអ្នកនេះ ឬអ្នកនោះយ៉ាងម៉េច តិចរើសដាក់ខ្លួនអីណាទៀតទៅ តែបើគិតថាត្រូវហ្នឹងខ្លួន អ៊ីចឹងក៏យកទៅ ដើម្បីឱ្យគេគ្រប់គ្នាស្គាល់សន្ដានផងថា ក្រៅវាល្អផូរផង់ប៉ុនណា ហើយក្នុងវិញវារលួយប៉ុនណា»។
ជាចុងក្រោយ សូមអានសំណេរក្នុងលិខិតស្នើសុំការបញ្ជាក់ពីអតីតតារាស្រី ជីដូនកាកី ហៅស្រីម៉ុច ដែលបានដាក់ទៅកាន់មន្រ្តីក្រសួងវប្បធម៌ និងវិចិត្រសិល្បៈដូចខាងក្រោម៖
