នៅក្នុងកម្មវិធីមហោស្រពអក្សរសីល្ប៍ខ្មែរលើកទី 2 ដែលបានប្រារព្ធធ្វើឡើងនៅថ្ងៃទី 21-22-23 ខែកញ្ញា ឆ្នាំ 2018 នាបរិវេណវត្តដំរីស ខេត្តបាត់ដំបង បាននាំអារម្មណ៍អ្នកចូលរួមទស្សនាទៅកាន់អតីតកាលតាមរយៈការលើកយករឿងប្រលោមលោកខ្មែរដ៏ល្បី ដែលជាស្នាដៃនិពន្ធកវី ញ៉ុក ថែម គឺរឿង «កុលាបប៉ៃលិន»។
រឿង«កុលាបប៉ៃលិន»ត្រូវបានជ្រើសរើសមកសម្តែង ដោយសារអ្នកគ្រប់គ្រងកម្មវិធីចង់បំផុសការចាប់អារម្មណ៍ទៅលើប្រលោមលោកខ្មែរល្អៗ ជាជាងប្រលោមលោកដែលបកប្រែពីបរទេស។ មិនត្រឹមតែប៉ុណ្ណោះ រឿង «កុលាបប៉ៃលិន» បាន បណ្តុះគំនិត តស៊ូ និង ស្មោះត្រង់របស់តួអង្គចៅចិត្រ និង ខ្លឹមសារអប់រំ កុំ ឱ្យវាយតម្លៃមនុស្សតាមរយៈសំបកក្រៅ ផងដែរ។
តាមរយៈទេពកោសល្យការសម្តែង និងពាក្យពេចន៍បញ្ចេញបញ្ចូលដ៏ផ្អែមល្ហែម និងមានអត្ថន័យ របស់តួអង្គ ចៅចិត្រ និង នាងឃុននារី បានធ្វើឲ្យអ្នកចូលរួមទស្សនាស្លុងអារម្មណ៍ និង សរសើរមិនដាច់ពីមាត់។ គួរកត់សម្គាល់ដែរថា មានមហាជនជាច្រើនបាននាំគ្នាស្កាត់ទៅទស្សនាការសម្តែងនិងការគាំទ្រយ៉ាងពេញទំហឹង ដោយការស្រលាញ់ពេញចិត្ត ចង់ចូលរួមទស្សនាលើកក្រោយៗទៀត រាល់កម្មវិធីល្ខោននិយាយជាទម្រង់សិល្បៈខ្មែរ។
ចង់ដឹងថា សកម្មភាពបែបណានោះ សូមទស្សនារូបភាពខាងក្រោមនេះ៖
