អីយ៉ា ពិតជាមិនធម្មតាមែន!! តារាបង្ហាញម៉ូដកូនកាត់ខ្មែរ-បារាំង Marianne Clais ហៅ ម៉ាយ៉ា ដែលប្រិយមិត្តបានស្គាល់តាមរយៈបណ្ដាញសារព័ត៌មាន និងល្បីល្បាញនៅលើបណ្ដាញសង្គមហ្វេសប៊ុកនោះ គឺជានារីមានរូបសម្រស់ស្រស់សោភាដែលគ្រោងនឹងចេញទៅបង្ហាញមុខក្នុងព្រឹត្តិការណ៍បង្ហាញម៉ូដអន្តរជាតិ នៅសហរដ្ឋអាមេរិក ក្នុងខែតុលា ឆ្នាំ2018ខាងមុខនេះ។
កូនខ្មែរកាត់បារាំងរូបនេះ មានវ័យ 15ឆ្នាំ នឹងចេញដំណើរទៅកាន់ទឹកដីសហរដ្ឋអាមេរិកនៅថ្ងៃទី12 ខែតុលាខាងមុខនេះ។ តារាម៉ូដែលកូនកាត់ខ្មែរ-បារាំង Marianne Clais ធ្លាប់បានធ្វើឱ្យទស្សនិកជនចាប់អារម្មណ៍កាន់តែខ្លាំង ក្រោយពីនាងបានបង្ហាញមុខក្នុងឈុតសម្លៀកបំពាក់បុរាណ រហូតដល់ថ្នាក់គេហទំព័រកម្មវិធីប្រកួតសម្រស់កញ្ញាឯកល្បីមួយស្ងើចសរសើរ និងស្នើឱ្យនាងចូលរួមប្រកួតប្រជែងផ្នែកសម្រស់ទៀតផង។ គេហទំព័រ ASEAN Beauty Pageant បានស្ងើចសរសើរ និងបានប្រៀបធៀបដូចជាសម្រស់រាជិនី ហើយគេហទំព័រនេះ រំពឹងថា នាងអាចនឹងចូលរួមប្រកួតកម្មវិធីបវរកញ្ញាកម្ពុជា នៅឆ្នាំ2020 ខាងមុខនេះផងដែរ៕
គួរបញ្ជាក់ដែរថា កញ្ញា Marianne Cliais ទទួលបានការយកចិត្តទុកដាក់ពីអ្នកជំនាញផ្នែកច្នៃម៉ូដ កំពុងខិតខំរចនាមកុដដ៏ស្រស់ស្អាត និងទាក់ទាញបំផុតសម្រាប់នាងគ្រងក្នុងព្រឹត្តិការណ៍ដ៏កក្រើកនេះ ដូចជាលោក Remy Hou លោក អ៊ី សុខជា លោក ធឿន ចាន់ថា ជាអ្នកច្នៃមកុដ រីឯលោក លី តារា ជាអ្នកឌីហ្សាញម៉ូដមកុដ និងសម្លៀកបំពាក់។
ដូច្នេះបើចង់ដឹងពីសម្រស់របស់នាងដែលកំពុងត្រៀមខ្លួនទៅកាន់ឆាកអន្ដរជាតិ មានសម្ផស្សស្រស់សោភាយ៉ាងណានោះ សូមទស្សនារូបទាំងអស់ខាងក្រោមនេះ៖
