ការជួបជុំគ្នាដ៏ធំបំផុតនៃអគារសំណង់ និងឧស្សាហកម្មដែលពាក់ព័ន្ធ នៅក្នុងប្រទេសកម្ពុជាក្នុងពិព័រណ៍ CAMBUILD 2018 នឹងបង្ហាញឡើងនៅទីក្រុងភ្នំពេញ សប្តាហ៍នេះនៅថ្ងៃទី12 ដល់14 ខែកញ្ញាឆ្នាំ 2018 នៅឯមជ្ឈមណ្ឌលពិព័រណ៍កោះពេជ្រដែលនឹងផ្តោតលើប្រធានបទ “ការរចនា និងការរៀបចំប្លង់ពណ៌បៃតងសម្រាប់Smart City” ។
ភ្ញៀវទេសចរជាង 10.000នាក់ រួមទាំងស្ថាបត្យករ អ្នកអភិវឌ្ឍន៍អចលនទ្រព្យ អ្នកម៉ៅការ អ្នករចនាផ្ទៃក្នុង វិស្វករ អ្នកពិគ្រោះយោបល់អគ្គិភ័យ និងសន្តិសុខ អ្នកដំឡើងម៉ាស៊ីនត្រជាក់ អ្នកគ្រប់គ្រងប្រព័ន្ធទឹក និងអ្នកពិគ្រោះយោបល់អគ្គិសនី / វិស្វករត្រូវបានគេរំពឹងថានឹងមកមើលព្រឹត្តិការណ៍នេះដែលពួកគេនឹងមើលឃើញពីការរចនាចុងក្រោយបំផុតជាមួយការតាំងពិព័រណ៍ផលិតផល និងបរិក្ខាសម្ភារចំនួន 350កន្លែង និងម៉ាកយីហោមកពី 23ប្រទេស។
ការចំណាយលើការសាងសង់សំណង់ និងតម្រូវការឱ្យអគារមានគុណភាពកាន់តែប្រសើរ គឺជាបញ្ហាប្រឈមសម្រាប់ឧស្សាហកម្មនេះ។ អ្នកអភិវឌ្ឍន៍ អ្នកម៉ៅការ ស្ថាបត្យករ និងអ្នករចនាត្រូវពិនិត្យមើលការប្រើប្រាស់វត្ថុធាតុដើម និងបច្ចេកវិទ្យាប្រកបដោយភាពច្នៃប្រឌិតដើម្បីលើកកម្ពស់ប្រសិទ្ធភាពនិងគុណភាពនៃការកសាង។ ដំណើរទស្សនកិច្ចមកកាន់ពិព័រណ៍ CAMBUILD ឆ្នាំ 2018 នឹងផ្តល់ឱ្យអ្នកដែលនៅក្នុងឧស្សាហកម្មអគារនូវដំណោះស្រាយថ្មី និងជម្រើសនៃការរចនា និងសម្ភារ។ នេះបើយោងតាមការបញ្ជាក់របស់លោកស្រី Rineat Khoen អ្នកគ្រប់គ្រងគម្រោងរបស់ក្រុមហ៊ុន AMB Tarsus Events Group ដែលជាអ្នករៀបចំពិព័រណ៍នេះ។
លោកស្រីបានបន្ថែមថា វាគឺជាឱកាសដ៏ល្អសម្រាប់អ្នកនាំចូល ឬអ្នកចែកចាយសម្ភារសំណង់និងម៉ាស៊ីនធ្វើសំណង់ ឧបករណ៍ប្រើប្រាស់ ទឹកម៉ាស៊ីន បរិក្ខារម៉ាស៊ីនត្រជាក់ ប្រព័ន្ធសុវត្ថិភាព និងសម្ភារបរិក្ខារអគ្គិសនី និងថាមពលដើម្បីមកធ្វើទស្សនកិច្ច និងពិភាក្សាជាមួយក្រុមហ៊ុនផលិតកម្មជាច្រើន និងស្វែងរកដៃគូអាជីវកម្មនៅក្នុងប្រទេសកម្ពុជា។
សម្ភារសំខាន់ៗសម្រាប់ឆ្នាំនេះ រួមមានបង្អួច និងទ្វារកញ្ចក់ថ្មី ឧបករណ៍បរិក្ខារបេតុង និងគ្រឿងផ្គត់ផ្គង់ពន្លឺព្រះអាទិត្យ ពន្លឺភ្លើង ប្រព័ន្ធបំពង់ដំបូល ខ្សែ និងលួស បន្ទប់ទឹក និងគ្រឿងបន្លាស់ សេរ៉ាមិកនិងក្បឿងអាងហែលទឹក និងគ្រឿងសង្ហារិមអ៊ីតាលី ជាដើម។ ទាំងនេះមិនមែនសម្រាប់តែអ្នកនៅក្នុងឧស្សាហកម្មសំណង់នោះទេ ភ្ញៀវទេសចរក៏អាចមកមើលពីប្រព័ន្ធសុវត្ថិភាព និងប្រព័ន្ធម៉ាស៊ីនត្រជាក់ដែលឆ្លាតវៃសម្រាប់អគារ SMART និងឧបករណ៍សម្អាតទឹកផងដែរ។
CAMBUILD 2018 នឹងធ្វើជាម្ចាស់ផ្ទះវេទិកាស្ថាបត្យករកម្ពុជាឆ្នាំ2018 ដែលនឹងត្រូវបានចូលរួមដោយស្ថាបត្យករជាង 200នាក់មកពីទូទាំងប្រទេស។ ពួកគេនឹងបានស្តាប់អ្នកគាំទ្រក្នុងស្រុក និងអន្តរជាតិកំពូលៗ លើប្រធានបទ “ការរចនា និងការច្នៃប្រឌិតថ្មីសម្រាប់ទីក្រុង SMART” ៕
