កីឡាករហែលទឹក Sun Yang បានដឹកនាំឱ្យចិន ឈ្នះមេដាយមាសជាបន្តបន្ទាប់ កាលពីថ្ងៃអាទិត្យ ខណៈដែលក្រុមខ្លាំងប្រចាំតំបន់មួយនេះបានចាប់ផ្តើមយុទ្ធនាការនៃព្រឹត្តិការណ៍ Asian Games ឆ្នាំ2018របស់ពួកគេ តាមរយៈការឈរលើលេខរៀងទី1ជាបណ្តោះអាសន្ននៅលើតារាងមេដាយ។
ម្ចាស់មេដាយមាសអូឡាំពិក 3សម័យកាលរូបនេះ ត្រូវបានធ្វើឱ្យផ្ទុះកំហឹងយ៉ាងខ្លាំង ដោយសារតែកំហុសក្នុងពេលបង្ហូតទង់ជាតិ ក្នុងកម្មវិធីប្រគល់មេដាយរបស់គេ ប៉ុន្តែមិនមែននៅមុនពេលរូបគេបានយកឈ្នះដោយងាយក្នុងការប្រកួតហែលទឹកចម្ងាយ 200ម៉ែត្របែបសេរី លើកីឡាករជប៉ុន Katsuhiro Matsumoto នោះឡើយ។ ក្នុងទិដ្ឋភាពប្រកបដោយភាពជ្រួលច្របល់ Sun វ័យ 26ឆ្នាំ បានទាមទារឱ្យមានការរៀបចំកម្មវិធីប្រគល់មេដាយជាថ្មី នៅពេលដែលបង្គោលទង់ជាតិ បានដួលខណៈដែលរូបគេកំពុងច្រៀងចម្រៀងជាតិរបស់ប្រទេសខ្លួនយ៉ាងមានមោទនភាព។
ប្រទេសចិន បានបញ្ចប់ថ្ងៃទី1 តាមរយៈការឈ្នះមេដាយមាសចំនួន7 ដើម្បីឈរពីលើប្រទេសជប៉ុន ដែលបានឈ្នះមេដាយមាស3 និងកូរ៉េខាងត្បូងដែលបានឈ្នះមេដាយមាស2។ ស្របពេលជាមួយគ្នានេះ កីឡាករចិនម្នាក់ទៀតគឺ Sun Peiyuan ដែលបានឈ្នះមេដាយមាសជាលើកទី1 របស់ចិនក្នុងព្រឹត្តិការណ៍ Asian Games លើវិញ្ញាសា Wushu ផ្នែកបុរសនោះ បានយកឈ្នះលើកីឡាករជើងខ្លាំងរបស់ឥណ្ឌូនេស៊ី Edgar Xavier Marvelo ដើម្បីឈ្នះមេដាយប្រាក់៕
ប្រភពពី៖ Channel News Asia
