សហរដ្ឋអាមេរិក បានរារាំងសំណើមួយពីសំណាក់គណៈកម្មាធិការអូឡាំពិកអន្តរជាតិហៅកាត់ថា ICO ក្នុងការបញ្ជូនសម្ភារៈកីឡាទៅឲ្យប្រទេសកូរ៉េខាងជើង ដើម្បីអាចឲ្យអត្តពលិករបស់ពួកគេ ត្រៀមលក្ខខណៈ ឈ្នះសិទ្ធិ និងចូលរួមក្នុងព្រឹត្តិការណ៍អូឡាំពិក។ នេះបើយោងទៅតាមការបញ្ជាក់របស់អង្គការសហប្រជាជាតិកាលពីថ្ងៃព្រហស្បតិ៍។
លោក Thomas Bach ប្រធាន IOC បានស្នើសុំគណៈកម្មាធិការដាក់ណ្ឌរបស់ក្រុមប្រឹក្សាសន្តិសុខរបស់អង្គការសហប្រជាជាតិលើកូរ៉េខាងជើង លិខិតមួយកាលពីថ្ងៃទី13 ខែកក្កដា សម្រាប់ការលើកលែងមួយក្នុងការអនុញ្ញាតឲ្យមានការបញ្ជូននេះ។ សហរដ្ឋអាមេរិកកាលពីថ្ងៃពុធ បានប្រាប់គណៈកម្មាធិការអូឡាំពិកអន្តរជាតិ ដែលប្រតិបត្តិតាមមតិរួម ថា ខ្លួនបានច្រានចោលសំណើរបស់ពួកគេ។
មន្ត្រីម្នាក់របស់សហរដ្ឋអាមេរិក បានបដិសេធក្នុងការបកស្រាយទៅលើសេចក្តីសម្រេចក្នុងការរារាំង IOC ប៉ុន្តែ បានបន្ថែមថា៖ យើងនៅតែមានសុទិដ្ឋិនិយម អំពីក្តីសង្ឃឹមនៃការលុបចោលកម្មវិធីអាវុធនុយក្លេអែរ របស់កូរ៉េខាងជើង ប៉ុន្តែវានឹងធ្វើការពង្រឹងការដាក់ទណ្ឌកម្មនានា ដើម្បីអាចធ្វើឲ្យយើងឈានដល់គោលដៅនោះ»។
លោក Donald Trump ប្រធានាធិបតីរបស់សហរដ្ឋអាមេរិក និងលោក Kim Jong Un មេដឹកនាំរបស់កូរ៉េខាងជើង បានជួបប្រជុំគ្នាជាលើកទី1 នៅប្រទេសសិង្ហបុរី កាលពីខែមិថុនា ហើយលោក Mike Pompeo រដ្ឋលេខាធិការសហរដ្ឋអាមេរិក បានរៀបចំកិច្ចប្រជុំជាច្រើនបន្ទាប់ពីនោះជាមួយនឹងកូរ៉េខាងជើង នៅខែនេះ៕
ប្រភពពី៖ Reuters
