ដូចដែលប្រិយមិត្តទាំងអស់បានស្គាល់ហើយថា ពិធីការិនីដែលមានវោហារស័ព្ទមិនចេះទាល់ជាមួយនឹងភាពកំប្លុកកំប្លែងកញ្ញា សុភក្រ កុសុម៉ា នាងមានសមត្ថភាពផ្នែកសិល្បៈពហុជំនាញតែម្ដង និងជាពិសេសនោះគឺ នាងមានទឹកដមសំឡេងពីរោះបែបស្អកៗ ដែលកាលពីកុមារភាព តារាស្រីរូបនេះចូលចិត្តច្រៀងត្រាប់តាមសំឡេងអ្នកនាង យក់ ថិតរដ្ឋា ហើយត្រូវបានមហាជនប្រសិទ្ធនាមឱ្យនាងថា យក់ ថិតរដ្ឋា Copy ទៀតផង។
នៅពេលតារាស្រីរូបនេះវិលត្រឡប់ចូលមកកាន់សិល្បៈវិញ គេសម្គាល់ឃើញថា អាជីពជាពិធីការិនីរបស់នាង ហាក់មានប្រជាប្រិយភាពខ្លាំងជាងអាជីពជាតារាចម្រៀង និងសម្ដែង តែនៅពេលថ្មីៗនេះ សុភក្រ កុសុម៉ា ត្រូវបានអញ្ជើញឱ្យចូលរួមច្រៀងនៅក្នុងកម្មវិធីមង្គលការដ៏អធិកអធមមួយ ហើយនាងត្រូវបានគេអញ្ជើញឱ្យចាប់ដៃគូច្រៀងជាមួយនឹងគណៈកម្មការនៃកម្មវិធីប្រឡងចម្រៀង Cambodian Idol គឺលោក ឆន សុវណ្ណរាជ។ នៅពេលនោះគេមើលឃើញថា តារាស្រីរូបនេះហាក់ដូចជារាងភ័យៗបន្ដិច នៅពេលបានជួបច្រៀងជាលើកដំបូងជាមួយលោក សុវណ្ណរាជ ក្នុងបទ «ភ័ព្វព្រេងវាសនា»។ នាងនិយាយថា «សំខាន់គឺអៀនណាស់ ពេលបកស្រាយបទចម្រៀងជាមួយបងរាជ…»។
ចង់ដឹងថា តើការបកស្រាយរបស់ សុភក្រ កុសុម៉ា និងឆន សុវណ្ណរាជ មានភាពពីរោះរណ្ដំ និងកំប្លុកកំប្លែងដល់កម្រិតណានោះ សូមទស្សនាវីដេអូខាងក្រោមនេះ៖
