ពិតជាគួរឱ្យភ្ជាក់ផ្អើលបំផុត ដែលតារាចម្រៀងនៅក្នុងទ្រនំរស្មីហង្សមាសម្នាក់ទៀតគឺលោក ឃី សុឃុន ដែលជាម្ចាស់បទល្បី « ធ្វើម្ដេចយើងក្រ » បានភ្ជាប់ពាក្យជាមួយគូស្នេហ៍យ៉ាងស្ងាត់ៗ ដោយមិនមានអ្នកគាំទ្រណាម្នាក់បានដឺងដំណឹងជាមុន លុះដល់លោកបានបង្ហោះរូបភាពជាមួយអតនាគតភរិយានៅលើបណ្ដាញសង្គមហ្វេសប៊ុករបស់លោក ទើបបណ្ដាលឱ្យអ្នកគាំទ្រលោកស្រឡាំងកាំងគ្រប់គ្នា នឹងបានជូនពរលោក។
ប៉ុន្មានខែមុននេះ តារាចម្រៀងថ្មោងថ្មីនៅក្នុងទ្រនំធំមួយនេះទើបតែបានភ្ជាប់ពាក្យជាមួយកូនស្រីអ្នកជំនួញ គឺលោក នី រតនា ដោយមានអ្នកគាំទ្រជាច្រើននាក់ បានបង្ហោះសារច្រណែនផង ជូនពរផង រំភើបផង ញាប់ញ័រផងយ៉ាងភ្លូកទឹកភ្លូកដី។ តែដោយឡែក តារាចម្រៀងប្រុសរូបនេះវិញ ហាក់បីដូចជាស្ងប់ស្ងាត់បន្ដិច មិនសូវជាអធឹកអធ័មដូចតារាដទៃ។ គូដណ្ដឹងរបស់លោក ឃី សុឃុន ត្រូវបានគេស្គាល់ឈ្មោះគណនីហ្វេសប៊ុកថា « BoTrey Toch Nuz Eii » ។ លោកបានអះអាងថានៅថ្ងៃរៀបអាពាហ៍ពិពាហ៍លោកនិងអញ្ជើញមិត្តរួមអាជីពទាំងអស់បានចូលរួម ។
សូមជម្រាបផងដែរ ទោះជាយ៉ាងនេះក្តីអតីតបេក្ខភាព The Voice Cambodia រដូវកាលទី 2 រូបនេះនៅមិនបានប្រាប់ថា គ្រោងនឹងចូលរោងការនៅពេលាណានោះទេ ។ អនាគតភរិយារបស់លោក ឃី សុឃុន មានមុខមាត់ស្រស់ស្អាតមិនចាញ់អ្នកសិល្បៈប៉ុន្មានឡើយ ។ មុននិងសម្រេចចិត្តភ្ជាប់ពាក្យអ្នកទាំងពីរបានស្វែងយល់ចិត្តថ្លើមគ្នាទៅវិញទៅមក ។ ចុងក្រោយនេះគេសម្គាល់ឃើញតារាចម្រៀងប្រចាំ ផលិតកម្មហង្សមាសបានភ្ជាប់ពាក្យជាបន្តបន្ទាប់ដែលមានដូចជា លោក នី រតនា និង តារាចម្រៀងល្បី សុគន្ធកញ្ញា ជាដើម ៕
