លី ចាន់សីហា បង្កើតផលិតផលប្រ៊េនឈ្មោះកូនស្រី និងគ្រោងនឹងវីឡាថ្មីសម្រាប់កូនស្រី 

តារាសម្តែងដែលទស្សនិកជនស្គាល់នាងថាជាតារាទឹកភ្នែក នៅក្នុងភាពយន្ដខ្នាតធំ « មរណមាតា » ដែលជាស្នាដៃដឹកនាំរឿងរបស់លោក ហ្វៃ សំអាង គឺអ្នកនាង លី ចាន់សីហា ដែលថ្មីៗនេះ ទើបតែបានប្រសូតបុត្រីមួយមានអាយុ 5 ខែហើយ មានរូបឆោមស្រស់ស្អាត មិនចាញ់ម្ដាយឡើយ។ មួយរយៈមុន អ្នកនាងបាន​បាត់មុខពីសិល្បៈអស់រយៈពេលជាយូរខែ ដោយសារតែនាងជាប់សម្រាលបុត្រ តែបច្ចុបប្បន្ននាងបានប្រាប់ថា នាងបានវិលមកកាន់សិល្បៈសារជាថ្មីម្ដងទៀតហើយ តែមិនទទួលការងារច្រើនដូចមុនទេ ព្រោះចង់ទុកពេលផ្ទាល់ខ្លួនខ្លះសម្រាប់មើលថែទាំកូនស្រី។

ជាមួយគ្នានេះដែរ សីហា បានបង្ហាញមុខសម្ភាសន៍នៅក្នុងកម្មវិធីកម្សាន្ដក្នុងស្រុកមួយ ដែលនាង បានលើកឡើងពីកូនស្រីជាគ្រាប់ពេជ្រតែមួយ ហើយនាងបានបង្កើតផលិតប្រ៊េនមួយ ដោយបានដាក់ឈ្មោះកូនស្រីផ្ទាល់ និងទុកជាកាដូអាជីពសម្រាប់កូននាថ្ងៃអនាគត។ នាងថា «ពាក់ព័ន្ធនឹងមុខរបរផ្ទាល់ខ្លួន ក្រៅពីការងារសិល្បៈ នាងខ្ញុំក៏មានបើសំអាងការមួយដែល គឺសំអាងការ លី ចាន់សីហា ខណៈថ្មីៗនេះ ក្រៅពីសំអាងការ នាងខ្ញុំក៏មាននាំចូលផលិតផលសំអាងគ្រឿងក្រអូប ផ្តាច់មុខមកពីប្រទេសថៃផងដែរ ដោយផលិតផលនេះ គឺដាក់ប្រេនឈ្មោះកូនស្រីតែម្តង គឺ Fendi »។

អ្នកនាងបានបន្ដទៀតថា ដោយសារតែស្រលាញ់ក្មេងៗខ្លាំង នៅថ្ងៃអនាគតអាចអ្នកគ្រោងនឹងយកកូនប្រាំនាក់ ប៉ុន្តែបច្ចុប្បន្ននាង មិនទាន់ចង់យកមួយទៀតនោះទេ ពោលគឺទុកពេលឱ្យក្តីស្រលាញ់កាន់តែច្រើន ទៅកូនស្រីដំបូងសិន និងងាកមកពង្រីកអាជីព និងមុខរបរផ្ទាល់ខ្លួន ព្រមទាំងបំពេញគោលបំណងនៅថ្ងៃអនាគតគឺជាទិញវីឡាឱ្យកូនស្រីតែម្តង។

គួរបញ្ជាក់ផងដែរថា តារាស្រីរូបនេះ ពិតជាអ្នកម្តាយមួយរូបមានទំនួលខុសត្រូវខ្លាំងណាស់ ចំពោះកូនស្រី ពោលគឺមានគម្រោងជាស្រេចក្នុងការរៀបចំអនាគតសម្រាប់កូនស្រីដ៏ល្អ៕