នៅពេលបច្ចុប្បន្ន ចំពោះប្រភេទស្រាក្រឡុក បានក្លាយទៅជាភេសជ្ជៈដែលមានការពេញនិយមពីសំណាក់មនុស្សសម័យថ្មី គួរឱ្យកត់សម្គាល់ ខណៈដែលតាមរយៈការទទួលទានស្រក្រឡុកបានបង្ហាញពីភាពឡូយឆាយ និងទាន់សម័យ។ ជាមួយគ្នានេះ លោកអ្នកក៏អាចក្លាយជាមនុស្សដែលទាន់សម័យ និងថ្លៃថ្នូរបានដែរ ដោយគ្រាន់តែមកអង្គុយបណ្តែតអារម្មណ៍ក្រេបរសជាតិស្រាក្រឡុក Midori Sunrise នៅលើជាន់លំហរអាកាសរបស់សណ្ឋាគារ Katari ដែលមានទីតាំងស្ថិតនៅអគារលេខ61 ផ្លូវ294 សង្កាត់បឹងកេងកង1 ខណ្ឌចំការមន រាជធានីភ្នំពេញ ឬអាចសាកល្បងធ្វើភេសជ្ជៈដ៏ឆ្ងាញ់ពិសានេះដោយខ្លួនឯងនៅគេហដ្ឋានដោយអនុវត្តតាមវិធីដូចតទៅនេះ។
គ្រឿងផ្សំ
• ស្រា Tequila
• ស្រា Midori
• ទឹកក្រូចច្របាច់
• ទឹកកក
• ទឹកទទឹមក្រហម
វិធីធ្វើ
ប្រសិនបើជាអ្នកជំនាញផ្នែកក្រឡុកស្រាហាក់មិនពិបាកអនុវត្តនោះទេ ប៉ុន្តែប្រសិនបើជាអ្នកមិនធ្លាប់អនុវត្តទាល់តែសោះនោះ អាចមានបញ្ហាបន្តិចបន្តួច ប៉ុន្តែមិនមែនមានន័យថា មិនអាចធ្វើបាននោះទេ។ ជាដំបូង លោកអ្នកគ្រាន់តែស្វែងរកនូវវត្ថុធាតុដើមដូចដែលបានបង្ហាញជូនខាងលើនេះ ដូចជា ស្រា Tequila , ស្រា Midori្ និងទឹកក្រូចច្របាច់ យកមកចាក់ក្រឡុកបញ្ចូលគ្នា។ បន្ទាប់មកដាក់ទឹកកកចូលក្រឡុកសាជាថ្មីប្រមាណជា10វិនាទី ហើយចាក់ចូលក្នុងកែវ។ ជាចុងក្រោយ ចាក់ទឹកទទឹមក្រហមពីលើ ដើម្បីបន្ថែមក្លិនក្រអូបឈ្ងុយ និងមានពណ៌ស្រស់ស្អាតដល់ភេសជ្ជៈមួយមុខនេះជាការស្រេច៕
