Cristiano Ronaldo, Gareth Bale និង Karim Benzema ធ្លាប់ស្ថិតជាតារាឆ្នើមទាំង3 ដ៏មុតស្រួចក្នុងតំបន់ប្រយុទ្ធ ប៉ុន្តែឥឡូវមានតែ Ronaldo ម្នាក់ប៉ុណ្ណោះដែលនៅសល់រក្សាភាពមុតស្រួចរបស់ខ្លួន ក្នុងការជួយឱ្យក្រុម Real Madrid ប្រជែងយកកៅអីរបស់ពួកគេជាមួយនឹងក្រុម Bayern Munich នៅរាត្រីនេះ។
Ronaldo បានជួយឱ្យក្រុម Real ឈានទៅប្រកួតក្របខ័ណ្ឌ Champions League វគ្គពាក់កណ្តាលផ្តាច់ព្រ័ត្រ តាមរយៈការបង្ហាញពីទម្រង់លេងយ៉ាងល្អក្នុងនោះរាប់បញ្ចូលទាំងការរកបាន 22គ្រាប់ ក្នុងការប្រកួត 12លើកផងដែរ ហើយរូបគេរកបានគ្រាប់បាល់យ៉ាងហោចណាស់ 1គ្រាប់ក្នុងការប្រកួត 11លើកចុងក្រោយរបស់គេក្នុងក្របខ័ណ្ឌអឺរ៉ុប។ ខ្សែការពារ Jerome Boateng របស់ក្លិប Bayern បានឱ្យដឹងថា៖ «វាមិនអាចទៅរួចឡើយក្នុងការធ្វើការរារាំង Ronaldo ឱ្យបានទាំងស្រុងនោះ។
យើងត្រឹមតែអាចបញ្ឈប់រូបគេក្នុងនាមជាក្រុមមួយប៉ុណ្ណោះ»។ គ្រូបង្វឹកសញ្ជាតិបារាំងរូបនេះបានបន្ថែមទៀតថា៖ «ខ្សែប្រយុទ្ធម្នាក់មិនមានលក្ខណៈគ្រប់គ្រាន់ជាងរូបគេឡើយ គេអាចប្រើជើងឆ្វេង ស្តាំ ក្បាល រូបគេគ្រប់គ្រងរាល់អ្វីៗទាំងអស់ ហើយនៅពីមុខទី រូបគេគឺជាម៉ាស៊ីនមួយ»។
ប៉ុន្តែ ស្របពេលដែល Ronaldo បានរីករាយជាមួយនឹងទម្រង់លេង និងតួនាទីថ្មីរបស់គេក្នុងនាមជាខ្សែប្រយុទ្ធកណ្តាល ដៃគូ 2នាក់ផ្សេងទៀតរបស់គេត្រូវទទួលខុសត្រូវក្នុងតួនាទីបែបខ្សែប្រយុទ្ធវិញនៅលើទីលាន Allianz Arena។
Bayern បានកម្តៅសាច់ដុំសម្រាប់ការប្រកួតនេះ តាមរយៈការផ្តួលក្រុម Hannover ក្នុងលទ្ធផល 3-០ ក្នុងការប្រកួតក្របខ័ណ្ឌ Bundesliga កាលពីចុងសប្តាហ៍មុននេះ ខណៈដែល Real បានបញ្ចប់ក្នុងលទ្ធផលស្មើ 2-2 នៅលើទឹកដីខ្លួនឯងពេលប៉ះក្រុម Athletic Bilbao។ ការប្រកួតនេះនឹងចាប់ផ្តើមនៅម៉ោង1:45ទៀបភ្លឺ៕
ប្រភពពី៖ Channel News Asia